Харанхуйн хүлэг баатар эргэн ирсэн нь

Монгол улс ардчилсан нийгэмд шилжиж, бүх юм ил тод болсноос хойш Америкийн комиксийн супер баатруудыг мэдэх болсон байдаг. Бэтмен, Супермен, Хүн аалз, Төмөр хүн, Ахмад Америк гээд тоочивч баршгүй. Тэдний нэг, супер баатруудын гол төлөөлөгч, бэлгэдэл болсон баатар бол Бэтмен билээ. Анх Бэтмен комик ертөнцөд дебют хийснээс хойш 70 гаран жил өнгөрчээ. Комиксоос гадна кино урлаг, тоглоомын гээд уран бүтээлийн бүхий л салбарт нэрээ мөнхөлж чадсан. 1986 онд видео тоглоомын ертөнцөд хөл тавьж олон ч тоглоом гарсан. Та бидний сайн мэдэх Sega Mega Drive систем дээр хэд хэдэн Бэтмений анги байдаг шүү дээ. Харин 2009 оноос уг цувралыг Rocksteady студи хөгжүүлж эхэлснээс хойш цоо шинэ шатанд гарсан гэж хэлж болно. 2009 онд гарсан Arkham Asylum тухайн жилийнхээ бүх шагналыг түүж, Arkham цувралын гарааг амжилттай тавьсан байдаг. Тэгвэл Arkham цувралын сүүлчийн анги болох Arkham Knight бидний гар дээр ирлээ.

Лууны эринд аялсан нь

Та бидний сайн мэдэх Baldur's Gate, Neverwinter Nights, Mass Effect зэрэг алдар цуутай RPG тоглоомуудыг бүтээсэн Канадын Bioware студи Dragon Age цувралыг хөгжүүлж худалдаанд гаргасан нь 2009 он юм. Dragon Age Inquisition бол энэ цувралын үндсэн 3 дахь анги нь билээ. Анхны Dragon Age-ээс даруй 4-5 дахин том газар нутагтай хэмээн мэдэгдэж байсан уг анги нь өнгөрсөн намар бидний гар дээр иржээ.

Хүн-чононы ангуучид

Тэртээ хоёр жилийн өмнө анх next gen консолуудын чимээ дуулдсансан. Эхлээд цагаан сарын үеэр Sony-гийн хамт олон Dualshock 4 контроллероо танилцууллаа. Мөн хэд хэдэн next gen тоглоомын трейлер, тоглолтын хэсгээс үзүүлсэнд Killzone Shadow Fall, inFamous Second Son зэрэг тоглоом багтсан байв. 5-р сарын сүүлээр Microsoft компанийхан "сөрсөн базаа" хийж Xbox One консолыг анх удаа олонд толилуулсан. Тухайн үед "дээр үеийн приставка шиг" гэх мэт үг яриа шүүмжлэлийг дагуулж л байсан. Харин 6-р сард геймер бүрийн хүсэн хүлээдэг E3 шоу болж Sony, Microsoft-ийнхон next gen-ий гайхамшгийг үзүүлж ёстой л бут авсан даа. Sony Playstation 4 консолоо анх түмэн олонд үзүүлж, хэд хэдэн тоглоом танилцуулсаны дотор яахын аргагүй анхаарал татаж байсан тоглоом бол, алдарт God of War-ийг бүтээгч Santa Monica болон Ready at Dawn студийн хамтран бүтээсэн The Order: 1886 байсан юм. 19-р зууны үеийн альтернатив Лондон хот, хүн чононууд, тэднийг ангуучлагч хүлэг баатрууд, дэвшилтэт технологи бүхий зэвсгүүд зүй ёсоор сонирхол татаж байсан. Ингээд бидний гар дээр The Order: 1886 ирлээ.

Нүглийг тэвчдэггүй ертөнцөд

Энэ тоглоомыг Германы Deck13 Interactive, Польшийн CI Games студиуд хамтран хөгжүүлжээ. Юуны өмнө Dark Souls цувралтай маш адилхан тоглолтын хэв маягтай гэдгийг дурдах хэрэгтэй. Тийм ч болохоор Dark Souls-ийн фэнүүд тоглоход тааламжтай байх болов уу.
Сүн далайг шалбааг байхад, Сүмбэр уулыг дов байхад энэ дэлхий ертөнцөд Хар харанхуйн хүчний бурхад ноёрхож байжээ. Хүмүүн төрөлхтөн нэгэнтээ энэ бүх дарлалыг хүлцэлгүй босч, харанхуйн бурхадыг хар ертөнц лүү нь эргүүлэн хөөж, өөрсдийн дэг журмыг тогтоосон юм. Үүнээс олон мянган жилийн дараа харанхуйн бурхад эргэн ирж дэлхий ертөнцөд ахин аюул занал учруулж ирнэ. Та бол өршөөгдөшгүй гэмт хэргүүдийг үйлдэж, хийсэн нүглүүдээ эртний символ тэмдгүүдээр нүүрээрээ дүүрэн шивүүлсэн хүнд гар Харкин юм. Түүнийг харин Касло ламтан шоронгоос сулласан бөгөөд, Харкинд нүглээ наманчилж, дэлхий ертөнцийг аврах нэгэн боломж гарч иржээ. Харкин өөрийн багш Каслогийн хамт харанхуйн хүчний эх булгийг олж зогсоохоор их аянд гарна...

Тавтай нойрсоорой, амжилт!

Энэхүү тоймыг цагаан сарын үеэр бичсэн тул зарим нэг цаг хугацааны зөрүүтэй зүйл байхыг үгүйсгэхгүй.
-------------------------

Энэхүү тоглоомыг 2012 оноос хөгжүүлж эхэлжээ. Анхандаа "Dead Island-ийн үргэлжлэл, Dead Island-тэй адил төстэй, дууриасан" гэх мэт яриа ихээр гарч байсан ба тоглоомыг хөгжүүлэгч Techland студийнхэн уг яриаг эрс үгүйсгэсэн юм. Ийнхүү 3 жилийн дараа польшийн авьяаслаг залуусын гараар бүтсэн шинэхэн зомбитой тоглоом Dying Light бидний гар дээр ирлээ. Сүйрлийн дараах зомбитой ертөнцийг чөлөөт орон зай, паркуртай чадварлаг хольсноороо энэ тоглоом онцлог болсон. Анхандаа бүх платформ дээр гаргахаар төлөвлөж байсан боловч, last gen дээр гаргахаа больсон гэдгээ ноднин намар зарлав. Dying Light PS4 XOne PC дээр гарсан билээ.

Ирээдүйн дайн

Call of Duty цувралыг мэдэхгүй геймер үгүй байх. Одоогоос 11 жилийн өмнө анхны анги нь гарчээ. Тэр цагаас хойш жил бүр тасралтгүй шинэ анги гаргаж явсаар өнөөг хүрсэн байна. 2005 оноос эхэлж Infinity Ward, Treyarch студиуд уг тоглоомыг ээлжлэн хөгжүүлж ирсэн ба, өнгөрөгч жил Sledgehammer Games студи уг цувралын хөгжүүлэлтэнд оролцож эхэлсэн юм. Ийнхүү Sledgehammer Games студийн бие даан хөгжүүлсэн анхны анги бидний гар дээр ирлээ. Тоглоомыг бүтээгчид Advanced Warfare дэд цувралыг гурван ангит тоглоом байх болно гэдгийг мэдэгдээд байгаа билээ.

Зохиол

Ноднин 5-р сард гарсан анхны трейлер дээр бид гол дүрүүдийн нэг, тив дамнасан аварга корпорац "Атлас"-ийн ерөнхийлөгч Жонатан Айронсийн дүрд Холливудын алдарт жүжигчин Кевин Спейси тоглосон байхыг харсан. Мөн төрөл бүрийн ирээдүйн зэвсэглэл, тэр дундаа экзо-араг яс гарч байсан нь олны анхаарлыг татсан. Уг араг яс-каркасыг зүүснээр цэргүүдийн хүч үнэмлэхүй ихээр өсдөг.
Ирээдүйд тоглоомын үйл явдал өрнөнө. 2054 он. Хойд Солонгос Өмнөд рүү халдан довтолсон байх бөгөөд, Хойдынхонд цохилт өгч хөөн гаргахаар АНУ-ын тэнгисийн явган цэргийн десант бууна. Тоглоомын гол дүр Жек Митчелл, өөрийн анд Уилл Айронсийн хамтаар мөр зэрэгцэн Сөүлийн гудамжнаа тулалдаж байх юм. Уилл нь "Атлас"-ийн босс Жонатан Айронсийн хүү бөгөөд, аавдаа биш эх орондоо зүтгэхийн тулд тэнгисийн цэрэгт орсон гэж ярьдаг. Харамсалтай нь Уилл тулаанд амь үрэгдэж, Митчелл зүүн гараа алдана. Митчелл цэргээс халагдав.

Яачихсан газар вэ?

Уржнан хавар Bethesda компани хэд хэдэн учир битүүлэг видео цацаж, тоглоом сонирхогчид ямар тоглоом зарлах бол хэмээн чих тавьж байсан нь саяхан мэт. Тун удалгүй The Evil Within хэмээх аймшгийн тоглоом дээр ажиллаж буйгаа зарласан юм. Анхны трейлер дээр тамлах багаж хэрэгслүүд, цусан далайд умбасан араатан, толгойдоо сейф угласан ороолон зэрэг зарсхиймээр үзэгдлүүд гарч байсан нь Bethesda аргагүй л аймшгийн жанрт хүч үзэхээр шийдсэн нь илхэн байв. Уг тоглоомыг алдарт Шинжи Микамигийн Tango Gameworks студи хөгжүүлсэн юм. Шинжи Миками бол Resident Evil цувралыг бүтээсэн эрхэм гэдгийг тоглоом сонирхогчид мэдэх байх. Тийм ч болохоор ноён Микамигаас тоглоомчид их зүйлийг хүлээж байсан, тэр хүлээлт ч талаар болсонгүй. Ийнхүү The Evil Within тоглоом та бидний гар дээр ирлээ.

Зохиол

Тоглогч цагдаагийн газрын мөрдөгч Себастьян Кастелланосийн дүрд орж тоглоно. "Гэрэлт цамхаг" хэмээх сэтгэцийн эмнэлэгт аймшигт аллага гарч, эмч өвчтөнүүд олноор амь үрэгджээ. Себастьян өөрийн хамтрагч Жозеф, Кидман нарын хамтаар хэргийн газар ирцгээнэ. Камерийн бичлэгт цагаан нөмрөгтэй нэгэн этгээд итгэмээргүй хурдаар шилжиж цагдаа нарыг хөнөөж байх нь үлджээ. Себ бичлэгийг үзээд "ямар чөтгөр нь вэ" гэж дуу алдахын завдалгүй, толгой руу нь хүнд зүйлээр цохиж, гүн ангал руу гулсан одлоо...

Эрх чөлөөний төлөө тэмцэгч

Ubisoft компаний эрхлэн гаргадаг алдарт Far Cry цувралын талаар мэдэхгүй геймер үгүй болов уу. Уг тоглоомын эхний ангийг 2004 онд Германы Crytek студи хөгжүүлэн гаргаж байсан бол дараагийн ангиудыг Ubisoft Montreal студи хөгжүүлсэн байна. 2008 онд гарсан Far Cry 2 тоглоомын зохиол иргэний дайны утаа суунагласан Африкийн төв хэсэгт өрнөдөг. 2012 онд гарсан Far Cry 3 уг цувралыг алдрын оргилд хүргэсэн бөгөөд, шүүмжлэгчдээс маш өндөр үнэлгээг авсан. Уг тоглоомд Зүүн Өмнөд Ази дахь нууцлаг Рук арал, пиратуудын толгойлогч Ваас гээд мартагдашгүй адал явдал гардаг билээ. Тоглоомын эхний анги гарснаас хойш өдгөө 10 жил өнгөрч, 4 дэх анги нь бидний гар дээр иржээ.

Зохиол

Тоглоомын зохиолыг бодит түүхэн дэх Балбын засгийн газар, босогчдын хооронд явагдсан 10 жилийн иргэний дайн дээр үндэслэн бичжээ. Зохиол Балба улсын нутаг дэвсгэр, Гималайн уул нурууд дунд орших Кират мужид өрнөнө. Уг мужид Паган Мин гэгч дарангуйлагч ноёлон суух бөгөөд, "Алтан зам" хэмээх босогчдын бүлэг эрх чөлөөний тэмцэл явуулж байдаг. Та бол ээжийнхээ чандрыг төрсөн нутагт нь бунхлахаар АНУ-аас ирсэн Ажай Гэйл юм. Ээж Ишвари Гэйл нь Ажайг өлгийтэй хүүхэд байхад нь аваад АНУ руу цагаачилжээ. Ажайгийн аав Мохан Гэйл "Алтан зам" бүлгийг үндэслэгч лидер байсан болохоор Киратад маш нэр хүндтэй. Бүгд л Ажайг "Мохан Гэйлийн хүү" хэмээн сүйд болцгооно.

Хувьсгал мандтугай!

Өнгөрөгч жил Ubisoft компани ассасинуудын түүхийг өгүүлсэн хоёр ч тоглоомоор бидэнд бэлэг барьсан билээ. Last gen дээр темплар залуу Шей Кормакийн тухай Rogue гарсан бол cur gen дээр залуухан ассасин Арно Дорианы адал явдлыг харуулах Unity гарлаа. Харамсалтай нь Unity дээр хэтэрхий яарснаас болж, түүхий бүтээгдэхүүн гаргаж, хэрэглэгчдээс маш их гомдол санал дагуулсан юм. Зүгээр гүйж яваад хязгааргүй гүн ангал руу унаж үхэх, хүмүүсийн нүүрний арьс язарч салж унах гэх мэт олон алдаатай байлаа. Ubisoft компанийхан яаралтай арга хэмжээ авч, хэд хэдэн апдейтуудыг гаргасан бөгөөд, хамгийн сүүлд гарсан 1.04 хувилбар дээр уг тоглоом ямар ч алдаагүй гэж хэлэхэд болохоор болжээ.

Ассасиний ангууч

Энэ тоймыг өнгөрөгч намар бичсэн юм. Тийм болохоор цаг хугацааны зөрүүтэй өгүүлбэрүүд орсон байгаа болно.
--------------------------------------------

Энэ оны хавар Assassin's Creed цувралын шинэ анги зөвхөн cur gen буюу PS4, XOne, PC дээр гарна гэх мэдээ тарах үеэр Ubisoft компани мөн last gen буюу PS3 X360 хэрэглэгчдээ ч мартаагүй, тэднийг гомдоохгүй талаар юм бодож байгаа гэх чихэнд чимэгтэй үгс дуулдсан билээ. Тун удалгүй л last gen дээр хөгжүүлж байгаа цувралын код нэр нь Comet, гол дүр нь Шей Кормак хэмээх темплар залуу байх болно зэрэг мэдээллүүд хөвөрч эхэлсэн. Өнгөрөгч 8-р сард анхны трейлерээ цацаж, Assassin's Creed: Rogue нэрээр зарлагдсан тоглоом маань бидний гар дээр иржээ. Одоогоор зөвхөн PS3 X360 хэрэглэгчид тоглох боломжтой байгаа ба ирэх онд PC дээр гарахаар зарлагдсан.

Гондор ахмадын өшөө авалт

Энэ тоймыг өнгөрөгч намар бичсэн юм. Тийм болохоор цаг хугацааны зөрүүтэй өгүүлбэрүүд орсон байгаа болно. Саяхан уг тоглоомны Game of the Year хувилбар худалдаанд гарсан билээ.

--------------------------------------------

Ж.Р.Р.Толкиний алдарт "Бөгжний эзэн" зохиол, уг зохиолоор бүтээсэн киног мэдэхгүй хүн үгүй бизээ. Уг зохиолоос сэдэвлэсэн тоглоомууд олон байдаг. Тэгвэл "Бөгжний эзний" ертөнцөд ахин нэг тоглоом мэндэллээ. Middle-Earth: Shadow of Mordor тоглоомын талаар бүтээгчид нь "Бид киноны тоглоом гэж харагдуулахгүйн тулд зориуд Middle-Earth гэж тоглоомоо нэрлэсэн" хэмээжээ. Уг тоглоом одоогоор PC PS3 XOne дээр гараад байгаа бөгөөд, PS3 X360 дээр 11-р сарын 18-нд нээлтээ хийх юм.
Анх энэ тоглоомын видео мэдээлэл гарахад олон хүн Assassin's Creed тоглоомтой адилхан байна гэх яриа өрнүүлсэн боловч, уг тоглоомын дизайнерууд уг яриаг эрс үгүйсгэсэн юм.

Бидний л нэг...

2012 оны E3 яармаг дээр Naughty Dog студийн шинэ бүтээл Last of Us тоглоомын тоглолтын хэсгээс танилцуулахад маш гүн сэтгэгдэл төрж билээ. Уг тоглоом нь 2013 оны зун худалдаанд гарсан бөгөөд, эхний 7 хоногтоо л 1,3 сая хувь, нийтдээ 7 сая хувь зарагдаад байна. Мөн байж болох бүх шагналыг түүсний дотор 200 гаруй Game of the Year шагнал авчээ. Зөвхөн PS3 дээр гарсан уг тоглоомыг PS3 сонирхогч залуус бүгд тоглож үзсэн нь лавтай. PS4 нээлтээ хийсний дараа 2014 оны 4-р сард Naughty Dogs-ийн залуус Remastered хувилбар дээр ажиллаж байгаагаа мэдэгдсэн бөгөөд, уг гайхалтай тоглоомыг PS4 тоглогчид тоглох боломжтой болжээ.
LOUR хувилбарт юу юу багтсаныг сонирхоцгооё. Үндсэн тоглоом дээр нэмэгдээд Элли охины түүхийг өгүүлэх Left Behind DLC, мөн олон тоглогчийн горимд ашиглах Abandoned and Reclaimed Territories map pack, фото горим, тоглоомыг бүтээгчдийн зүүлт тайлбар зэрэг багтжээ. Бараг л GOTY хувилбар болчихсон гэхэд хилсдэхгүй.

Гэрлийн хурдаар холыг туулна...

Playstation 4 дээр өнгөрсөн хавар Infamous тоглоомын шинэ анги Second Son гарч, олны талархлыг хүлээж ихээхэн амжилт олсон билээ. Уг тоглоом дээр гардаг неон чадвартай бүсгүй болох Абигейл "Фетч" Уокерийн түүхийг өгүүлсэн First Light тоглоом худалдаанд гарлаа. Зарим хүн үүнийг DLC гэж ойлгоод байдаг, гэвч First Light бол бие даасан нэмэлт (standalone expansion) анги юм. DLC тоглоход тухайн тоглоомны диск заавал шаардагддаг. Харин First Light ангийг тоглоход Second Son тоглоомын диск байх шаардлагагүй. Биет хувилбараар зөвхөн Европ, Азид гарсан болохоор эрэлт хэрэгцээ ихтэй байгаа юм байна.
Абигейл мутантуудын Curdon Cay шоронд хоригдож байгаагаар тоглоом эхэлнэ. Засгийн газрын Нэгдсэн Хамгаалалтын Газар (Department of Unified Protection, D.U.P)-ын толгойлогч Августин Брук түүнд холограмм дүрсүүдтэй тулалдаж, сургуулилт хийхийг зөвшөөрчээ. Августин Абигейлээс өнгөрсөн түүхээ ярьж өгөхийг хүсэх бөгөөд, Абигейл амьдралаа хүүрнэн ярьж эхэлнэ...

Нохой хүний сайн нөхөр

Уг тоймыг өнгөрсөн жилийн 8-р сард бичсэн тул цаг хугацааны хувьд зөрүүтэй зүйл байгаа болно.
---------------------------

Хэдхэн сарын дараа Call of Duty цувралын шинэ анги Advanced Warfare нээлтээ хийх гэж байна. Уг тоглоомыг Sledgehammer Games хөгжүүлж байгаа. Үүнийг тохиолдуулан, ноднин худалдаанд гарсан Call of Duty: Ghosts тоглоомын тоймыг бэлтгэлээ.
Infinity Ward, Treyarch хэмээх тоглоомын хоёр студи Call of Duty цувралыг ээлжлэн хөгжүүлдэг уламжлал тогтоод удаж байна. Энэ жил Sledgehammer Games нэмэгдсэнээр гурван студи Call of Duty цувралыг хөгжүүлдэг болох нь. Infinity Ward компани Modern Warfare 3 гурвалаа амжилттай төгсгөж, Ghosts хэмээх шинэ цувралаа эхлүүлсэн нь энэ юм. Ghosts нь Call of Duty үндсэн цувралын 10 дахь тоглоом болж байна. Дашрамд дурдахад Modern Warfare цувралын нэгэн дүр Саймон "Ghost" Райлитай энэхүү тоглоом  нь маш жижиг зүйлээр холбогдож байгааг дор дурдах болно.

Их хүч чадлыг дагаж их хариуцлага ирдэг

Зөвхөн Playstation дээр гардаг, сайн/муу карма системтэй, нээлттэй ертөнцтэй тоглоом бол inFamous цуврал билээ. Тоглоомын эхний хоёр анги PS3 дээр гарсан. Зарлага залуу Коул МакГрат ажлаа хийж яваад дэлбэрэлтэд өртөж, цахилгаан энерги гаргах супер чадвартай болсноор бүх зүйл эхэлдэг. Тэгвэл PS4 дээр тоглоомын гурав дах цуврал inFamous: Second Son нэртэйгээр, Делсин хэмээх цоо шинэ баатартайгаар эргэн ирлээ.
Уг тоглоомын үйл явдал нь 2-р ангийн үйл явдлаас долоон жилийн дараа өрнөх болно.  Засгийн газрын Нэгдсэн Хамгаалалтын Газар (Department of Unified Protection, D.U.P) хэмээх байгууллагын зүгээс мутантуудыг нэг нэгээр нь ангуучилж торны цаана хашиж байв. Уг байгууллагын толгойлогч нь Августин Брук хэмээх эмэгтэй бөгөөд өөрөө бетоныг удирдах чадвартай, "галтай галаар л тэмцэнэ" гэж хэлэх дуртай нэгэн.

Вермахтын нууц зэвсэг Африкийн цөлд

Sniper Elite цувралыг манай тоглоом сонирхогчид сайн мэднэ. Уг тоглоомын 2-р ангиас эхэлж X-Ray Cam буюу тухайн дайсны биед сум хэрхэн нэвтэрч, аль эрхтэнийг гэмтээж байгаа рентгенээр харуулж эхэлсэн. Тэгвэл 3-р ангийн X-Ray Kill-Cam анх удаа next gen буюу PS4, XOne дээр илүү нарийн детальтайгаар гарч буйгаараа онцлог болжээ. Тоглоомыг уламжлал ёсоор Английн Rebellion студи хөгжүүлж, 505 Games эрхлэн гаргасан байна. 

Тоглоомын гол дүр Карл Фейрберн бол АНУ-ын Стратегийн албаны удирдах газрын (ТТГ байгуулагдахаас өмнө Дэлхийн II дайны үед ийм нэртэй байгууллага ажиллаж байжээ) агент юм. Тэрбээр дайн эхлэхээс өмнө Берлинд сууж байсан АНУ-ын элчин сайдын хүү билээ. АНУ дайнд татагдан орсны дараахан Нью Йорк дахь цэргийн академид суралцаж, зэвсгийн эрдэмд боловсорчээ. Түүний герман хэлний өндөр чадвар, гэр бүлийн байдал зэрэг нь САУГ-ын агент болоход нөлөөлжээ.