Миний өнөөдрийн бүтээлүүд

Миний бие дааж олж авсан ч гэх юм уу мэргэжил бол график дизайнер билээ. 2002 онд I күрсэд ордог намар анхныхаа номын хавтасны дизайныг хийж байснаас хойш даруй 8 жил болж. Энэ хугацаанд 100 хүрэхээр номын хавтасны дизайн, мөн 90 орчим сонины дизайн, 50-аад номын хэвлэлийн эх, өөр тэгээд шошго, хүүхдийн тоглоом гээд олон зүйл хийсэн байна.

Өнөөдрөөс эхлээд ер нь хийсэн бүтээлээ уншигчиддаа танилцуулж байя гэж бодлоо. Жишээ нь би өнөөдөр 3 номын хавтасны дизайныг хийж гүйцэтгэлээ. Энэ хавтсуудыг хийх гэж нилээн юм болсон шүү. Учир нь би халуун зунаар ханиад хүрч, халуурч хэвтээд 1-2 өдөр алдсан. Мөн жаахан залхуурсан явдал ч бий. Харин өнөөдөр ер нь 18-21 цагийн хооронд (дунд нь оройн хоолоо идсэн) л энэ хэдийг хийчих шиг боллоо. Тэгэхээр хүн ер нь биеэ дайчилвал уулыг нурааж, усыг эргүүлж ч чадах юм байна гэсэн дүгнэлтэд хүрлээ.

Сүүлийн хоёр нь нэг номын хавтсыг хоёр янзаар хийсэн байгаа. Захиалагч тэгэж хүссэн юм. Би бол хувьдаа цэнхэр фонтой хувилбарыг л сонгоосой гэж бодож байна. Мөн дээрх хавтасууд дан хурц өнгүүдийг ашиглаж бүтсэн байгаа нь мөн л захиалагчийн хүсэлт билээ.

Үүнээс хойш, би хийсэн бүтээлүүдээ цувралаар багцалж танилцуулах болно оо.


P.S.: Энэ блогны текст эдитор нэлээн болхи эд шүү. Нэг бичлэгээ нилээн хэд засварлахгүй бол үнэхээр нервтүүлнэ ээ.