Bolt (2008)

Болт бол жүжигчин нохой. Сүпер нохойны дүрийг бүтээдэг тэрбээр өөрийгөө үнэхээр сүпер баатар гээд итгэчихсэн байдаг. Нэгэн үзэгдэл дээр түүний хамгаас хайрт эзэн охин Пеннийг ногоон нүдэт дээрэмчин барьцаалж авах бөгөөд, энэ үзэгдэлд Болтыг сайн оруулж өгөхийн тулд торонд хийгээд авч явна. Гэвч кино багийнхны хариуцлагагүй үйл ажиллагаанаас болж, Болт алдагдаж, Америкийн нөгөө өнцөгт Нью Йорк хотод оччихно.

Тэрвээр Пенни охиныг барьцаалагдсан гэдэгт итгэсээр, охиныг хайж гарна. Замдаа Миттенс муур, өөрийнх нь улаан фэн Рино орог зусаг нарыг олж аваад цааш явнаа. Миттенс муур юм үзэж, нүд тайлсан нэгэн тул түүнийг сүпер нохой бишээ, зүгээр л жүжигчин гэдгийг итгүүлэхийг оролдоно.
Энэ үед Пенни охинд менежер нь өөр нэгэн “Болтыг” олж өгсөн байлаа. Охин түүнтэй кинонд тоглохдоо нэг л гунигтай. Болтыг хамтрагчидтайгаа яг кино стүдид ирэх үест стүдид осол гарч, охин угаартах аюулд орсон байв. Болт яг л сүпер нохой адил охиныг аварнаа.
Энэ үеэс Пенни охин кинонд тоглохоо больж, Болт, Миттенс муур, Рино орог зусаг нарын хамт нам тайван амьдрах болноо.

Яахав хөөрхөн л хүүхэлдэй байна. Гэхдээ Кунфу Панда, Хортон эдэрийг арай л гүйцэхгүй санагдлаа. 7/10 оноо өгч байна.

Burn After Reading (2008)

ТТГ-ын ажилтан Осборн Кокс (Малкович) ажлаасаа халагдаж, гэртээ суух болно. Эхнэр Кэти нь энэ явдалд маш их дургүйцэж, салах шалтаг эрэлхийлэх болно. Кэти бол сангийн яамны ажилтан Гарритай (Клуни) нууцаар уулзаж учирдаг. Өмгөөлөгч нь Кэтиг Осборний хамаг нууц файлуудыг аваад ир, тэгээд шүүхийн материал бүрдүүлье гэдэг. Гэтэл өмгөөлөгчийнх нь нарийн бичиг нөгөө файлтай CD-г нь фитнесс клубт хаячихдаг. Түүнийг нь клубийн ажилтнууд болох Чэд (Питт), Линда нар олж авах бөгөөд Осборнд өндөр үнээр зарах юм болно.
Осборн тэднийг огтхон ч авч хэлэлцэхгүй тул Чэд нар Оросын элчин рүү харайлгана. Тэнд ч сидиг тоож өгдөггүй. Чэд Осборний өөр нэг байрнаас нэмэлт мэдээллүүд хулгуух гэж байтал тэр байранд Гарри ороод ирнэ. Гарри цочсондоо Чэдийн толгойг зад буудчихдаг. Энэ хэсэгт ёстой шоконд орсон шүү, би. Тэгээд Чэдийг далайд хаяж ул мөрөө балласан гэж байгаа.
Линда танилцах албаар нөхөр хайж яваа бөгөөд, Гарритай санаандгүй учирч дотносдог. Тэгээд Гаррид манай найз алга болчихлоо, яах вэ эдэр гэхэд, Гарри нөгөө хувцасны шүүгээнд нь алуулсан залуу болохыг мэдээд, зугадан алга болно. Вэнэсуэл рүү зугадсан гэсэн.
Энэ үед Осборн нөгөө байрандаа сууж байв. Ямар нэг чимээ гарах шиг болоход, доошоо буугаад хартал фитнесс клубийн босс Тэд компьютерийг нь ухаж байх нь тэр. Осборн сүхээ бариад л дайрна, Тэдийг юу ч үгүй сүхдэж хаяна. ТТГ-ынхан Осборнийг буудаж зогсоожээ.
Энэ бүх аллага, Оросын ЭСЯ-ны явдлын үр дүнг ТТГ-ынхан юу ч ойлголгүй дуусна.

За энэ кино бол инээдмийн кино маягтай байснаа, аймар аймар аллага гараад л, сонин наасан. Тэр Чэдийн толгойг зад буудах хэрэгтэй ч байсан юм уу, үгүй ч юм уу. Нэг л болж өгөхгүй байх шиг. No Country for Old Men болон энэ киноноос харахад ах дүү Коэнийг муу найруулагчид гэмээр байна.
Аа гэхдээ жүжигчдийн ур чадвар тасархай байсан шүү. Питтийн тийм савалгаа дүр төрхийг анх удаагаа л харсан, тэр анх Осборнтой уулзахдаа лааг чухал царайлж байсан нь ёстой татаагаад хаясаан. Тэгээд Осборнд хамраа нулиулсны дараах царай нь үнэхээр инээдтэй. Бас Клуни маш сайн жүжиглэж байсныг хэлэх нь зүйтэй байх.

Bangkok Dangerous (2008)

Жо бол үнэхээрийн ямар ч өрөвдөх сэтгэлгүй мэргэжлийн алуурчин байлаа, Бангкокт очих хүртэл. Тэрвээр Бангкокт 4 байг цааш нь харуулахаар хүрэлцэн ирвээ. Юуны өмнө Конг гээч залууг туслахаа болгож авлаа. Конг Жо болон захиалагч Суратын хооронд мэдээлэл дамжуулах үүрэгтэй. Эхний 2 байгаа бол саадгүй л алав. Тэд бол үл бүтэх новшнууд байсан бөгөөд, эхнийхийг нь мотоциклоор хажуугаар нь гарахадаа автоматаар шүршиж, 2 дахийг нь бассейнд сэлж явахад нь живүүлсэн билээ. Энэ үеэр тэрвээр аптект ороод тэндхийн ажилтан, нэгэн хэлгүй тай бүсгүйтэй танилцсан бөгөөд, улмаар сэтгэлтэй болно.
Конг Жогийн урьдны туслах агсанууд (Жо ажиллагаагаа дуусгаад, туслахаа алдаг нэгэн) -аас шал өөр, сэргэлэн цовоо нэгэн байв. Тиймээс Жо түүнд арай л өөрөөр хандаж, өөрийн шавиа болгож, буу зэвсэг, тулааны эрдэм заана.
3 дахь нөхрийг алахад бяцхан бэрхшээл учирна. Бай Жог хараад моторт завь хөлөглөн зугатах бөгөөд, Жо нилээн түвэгтэй учирч байж түүнийг ална аа.
Харин 4 дэх байгаа алахад бэрхшээлтэй тохионо. Тэр нь улс төрийн том зүтгэлтэн бөгөөд, ард түмний хайртай нэгэн байлаа. Түүнийг нэгэн удаа зурагтаар гарч байхад Конг "Энэ бол маш сайн хүн" гэж бахдан ярьж байсийм. Тиймээс Жо түүнийг алах тал дээр бяцхан эргэлзэнэ. Тэгтэл ч тайландын нууц албад түүнийг илрүүлж, галаар хуйхлах дөхнө. Жо арай л гэж амь мултарна.
Яг энэ үед захиалагч босс Сурат Жог устгахаар шийдэж, Конгийн найз охиныг тамлан, гэрийг нь заалгаж авдаг билээ. Илгээсэн 3 хүнийг нь Жо хормын төдийд алаад, Суратын харш руу хөдөлвөө. 80-аад хүнийг устгачихаад, нэг миа нөхөртэй шал дэмий буудалцаж байж, хүнд шархадна. Гэвч Суратыг барьж авч чадсан. Энэ үеэр тайландын цагдаа нар Суратын харшийн гадна ирсэн байсан тул Жо Суратын хамт тархиа зад буудсанаар кино төгсвөө.

Цагтаа бокс офисийг хамгийн бага орлогооор тэргүүлэгч болж, сөргөөр алдаршиж байсан энэ кино давгүй эд байнаа. Өмнөхөн нь National Treasure үзсэн болоод ч тэр үү, Кэйж туйлын их таалагдав.

Death Race (2008)

НАСКАР-ын аварга, уралдаанч чанга залуу Йенсен эхнэр, нялх охины хамт амьдардаг. Нэг л өдөр түүнийг цохиж унагаад, амь үрэгдсэн авгайнх нь хажууд балиус бариулан орхисон байлаа. Тэрвээр гэмт хэрэгтний гараараа буудах дохио үзүүлэхийг л харж амжина. Ингээд шоронд орвоо.

Тэгсэн шоронгийн дарга Хеннеси (вискиний нэртэй) хэмээх хүүхэн түүнийг шоронд явагддаг үхлийн авто уралдаанд оролцохыг санал болгоно. Өмнө нь түүний "бөх" Фрэнкэнштэйн хочит Фрэнк амь үрэгдээд байж л дээ. Хеннеси 5 уралдаанд дараалан түрүүлсэн хоригдлыг суллахаа амладаг бөгөөд, Фрэнк 4 уралдаанд түрүүлээд байжээ. Хэрвээ Йенсенийг Фрэнкийг багийг өмсч, уралдаанд түрүүлвэл, 5 түрүүлсэн хэмээн үзэж, суллахаа амлана аа.
Тэрхүү уралдаанд машинууд бат бөх төмрөөр хуяглагдаж, пуужин пулемет юу дуртайгаараа зэвсэглэн, бие биенээ устган нэг нь түрүүлдэг жамтай.
Гэтэл энэ бүхэн нь анхнаасаа Хеннесигийн зохиосон хэрэг байж, Йенсенийг уралдаанд оролцуулахын тулд л авгайг нь алсан болж таарав. Йенсен уралдахын сацуу шоронд танилцсан үзэсгэлэнт хоригдол бүсгүй Элизабет болон Пулемет Жо нарын хамт Хеннесиг болгож өгөөд, Мексик рүү оргон зайлдаг билээ.

Киноны зураг авалт, визуаль эффект үнэн тасархай болжээ. Бас шоронгийн хоригдлуудын дунд Лиү Кэн (Робин Шоу, Mortal Kombat, 1995) яваад байналээшт, тэр их таалагдсан гэж. Яахав, зарим нэг хүн төгсгөлийг нь арай л гэнэн дууссан гэлцэж байналээ. Надаа бол үнэхээр сайн кино болсон хэмээн бодогдож байгаа бөлгөө. DVD -г нь хүлээж сууна даа.

Star Wars: Clone Wars, The (2008)

Кино Анакин, Оби Ван нар клон цэргүүдийн хамт стратегийн чухал обьектийг дроидуудаас хамгаалж буйгаар эхлэнэ. Дроидууд шинэ тактик хэрэглэж, хамгаалалтын давхаргатайгаар давших болно. Яг энэ үед БНУ-ын төв дээр аварга бах Жаба Хаттийн хүү хулгайлагдсан мэдээ ирнэ. Жабагийн Татуин гариг дээр клон цэргүүдийг байрлуулах нь чухал ач холбогдолтой тул хүүг нь аврах ажиллагааг зохион байгуулна. Энэ ажилд Анакин, Оби Ван нарыг дайчилахаар болжээ. Анакин дээр Асока гээч охин шавилахаар ирэх бөгөөд, Анакин эхэндээ дургүй байснаа улмаар тэр хоёр сайн хамтрагчид болдог. Тэдний анхны даалгавар нь дроидуудын хамгаалалтын генераторыг устгах байсан. Тэд ч даалгавраа амжилттай биелүүлсээн.
За тэгээд Анакин Асока нар хүүг аврахаар явбаа. Дроидуудтай ширүүн тулаан хийж хийж арай гэж хүүг аврана. Гэтэл хүүг хулгайлах ажлыг зохион байгуулсан Дүкү гүн Жаба дээр очиж, "жидай нар танай хүүг хулгайлсан байна, удахгүй таныг ална гэнэ" хэмээн мэдэгдэнэ. Анакин Асока нар хүүг Жабагийн Татуин гараг луу хүргэх замдаа олон саадтай учрах боловч, бүгдийг нь даван туулдаг. Тийнхүү галактикт энх тайван ноёлвоо.

Үнэхээр хөөрхөн хүүхэлдэйн кино байна. Үйл явдал нь ч тун сонирхолтой, давгүй. Ганц өөлөх юм гэвэл кинонд нь тоглодог жүжигчид дуу оруулсан бол бүр гоё болох байсандаа. Эван Макгрегор, Кристофер Ли, Хайден Кристенсен нар ч өвөрмөц дуу хоолойтой шүү дээ хө.

Hellboy II: Golden Army (2008)

Кино эхлэхэд бяцхан Хеллбойд эцэг нь эрт дээр үед эльфүүд болон хүмүүсийн дунд цуст тулаан өрнөж байсан тухай үлгэрийг ярина. Энэ үлгэрийг маш өвөрмөц хийцтэй хүүхэлдэйн киногоор бүтээсэн байсныг хэлэх нь зүйтэй байх. Эльфийн хаан юунд ч дийлэгдэшгүй роботуудаас бүтсэн Алтан армиар хүмүүсийг хядуулах боловч, үүндээ ихэд гэмшиж, хүмүүн төрөлхтөнтэй эвийн гэрээ байгуулан, роботуудыг үүрд газар доор булж, тэднийг удирддаг титмээ 3 хуваан нуусан ажгуу. Нуада хунтайж үүнд ихэд эгдүүцэн байсан бөлгөө.

Өнөө үе. Нуада хунтайж газар доорх ертөнцөөс гарч ирж, дуудлага худалдаанаас титмийн эхний хэсгийг булаан авлаа. Улмаар эцэг дээрээ ирэхэд эцэг нь түүнийг алахыг завддаг боловч чаддаггүй. Нуада эцгээ алж, хоёр дахь хэсгийг авна. Харин гуравдахь хэсгийг авч яваа түүний ихрийн өрөөсөн Нуала гүнж зугатаж орхино. Ташрамд дурдахад, Нуада зэвсгийн эрдэм, ушу эдэрд төгс боловсорсон нэгэн бөгөөд, илдээрээ шүүдрийн дуслыг ч хоёр хуваадаг болой!
Нуалаг зугатаж явахад Хеллбойн анд Сапиен түүнийг аварч, хайр дурлалд автацгаана. Мөн Хеллбойгийн багт Йоханн Краус гээч өвөрмөц нэгэн орж ирэн нэгддэг. Тэрбээр ерөөсөө утаан хүн (MK тоглоомын Smoke шиг) бөгөөд, хүн хэлбэрт хувцсыг өмсч явдаг. Нуада Нуала хоёр хүйн холбоотой тул хичнээн нуугаад ч Нуада олоод л ирнэ. Нуада согтуу Хеллбойтой тулалдаж, цээжинд нь жадныхаа зэвийг дутуу зоогоод орхидог. Энэ нь Хеллбойг үхэлд хүргэх аюултай байв. Авч ч болдоггүй, яаж ч болдоггүй. Нуада "титмийн гурав дахь хэсгийг олж ирээд, Нуалагаа аваарай" гээд алга болж өгнө.
Хеллбой нар түүнтэй уулзахаар ертөнцийн нөгөө зах руу явахаас өөр аргагүй болдог. Тэнд нөхдүүд нүдгүй бөгөөд бүх нүд нь далавчин дээрээ байрладаг (яг Дел Торо стайл) нөхөртэй гэрээ хэлцэл хийж, ямар ч байсан Хеллбойгийн амийг авруулна. Урам зоригтойгоор Нуадатай уулзваа. Гэтэл өдий хүртэл титмийн гурав дахь хэсгийг олсноо хэлээгүй Сапиен түүнийг Нуадад зүгээр л өгчихнө. Нуада ч алтан армиа босгож аваад, эднийг устга гэхээ мэдэлгүй яахав. Хеллбой, Краус нар алтан армийн роботуудыг бут цохиод баясч байтал, бүгдээрээ буцаад амилах нь тэр. Бүр ийш тийшээ бут үсэрсэн араа хүрднүүд нь өнхөрч ирээд эзэндээ наалдаж байв. Яг л энэ үед Хеллбой Нуадатай халз үзэх санал гаргаж ялдаг. Нуада араас нь хутгаа бариад дайртал, хүйн холбоотой Нуала өөрийгөө дүрж, Нуадаг ч алдаг билээ. Ийнхүү одоохондоо кино төгслөө. Хеллбойгийн гёрлфрэнд Лиз Шерман бие давхар болж, ихэр хүүхэд гаргахаа мэдэгдсэн тул, кино цаашид үргэлжлэх магадлалтай болоодаагаа.

Ер нь бол киноны зураач маш сайн ажилласныг хэлэх нь зүйтэй байх. Йоханн Краусын хувцас хэрэглэл, Троллиудын хот гээд л. Мөн Гилермо дел Торо ямар чадалтай найруулагч вэ гэдэгийг ч (Pan's Labyrinth) бид мэднэ ээ. Өмнөх өдөр нь Мумми 3-аас том урам хугаралтыг авсан надад Хеллбой II ҮНЭН ТАСАРХАЙ кино санагдлаа гэж...

American Gangster (2007)

Нью Йоркийн нэгэн дүүргийг атгаж байдаг босс Бампигийн бие хамгаалагч, хуурай хүү нь болсон Фрэнк Лукас боссоо үхсэний дараа юу хийхээ мэдэхгүй хэсэг явна. Эцэст нь Бангкокт байдаг үеэлээрээ дамжуулж, Сайгоноос хар тамхи зөөвөрлөж эхэлнэ. Энэ үед Вьетнамын дайн ид дундаа орж, америк цэргүүд хар тамхинд орох явдал маш өргөн түгээмэл болсон байв. Эхний удаад Фрэнк Лукас өөрийн биеэр очиж 100 киг (килог) авчрах бөгөөд, түүнийгээ шинжвээс 100%-ийн цэвэр хар тамхи байваа. Гадуур зарагддаг нь 25-45%-тай байдаг гэдэг. Фрэнк үүнийгээ "Blue Magic" хэмээн нэрийдэж, зах зээлийн үнээс хямдаар худалдаалж эхэлнэ. Цэвэр мөртлөө хямд бүтээлийг хүмүүс ум хумгүй худалдан авч, Фрэнк хагартлаа баяжна.
Фрэнк том хаус худалдан авч, ээж, дүү нар болон хамаатны 20-иод хүмүүсийг амьдруулан жаргаана. Дөрвөн дүүгээ бүгдийг нь ажилдаа татан оролцуулна. Тэд угаалгын газар, дугуй засварын газар зэрэг халхавчийн дор цэнхэр шидтэнийг худалдаална. Дүү нартаа сүрийг үзүүлэхийн тулд өөрөөс нь 20 хувь мувь нэхээд байдаг нөхрийг олны нүдэн дээр буудаж унагах жишээний. Пүэрто Рикогийн миссийг эхнэрээ болгон авна.
Киноны өөр нэг шугам бол цагдаа Ричи. Тэрбээр хамтрагчийн хамт гэмт хэрэгтний багаажнаас 1 сая доллар олоод, өөрөө завшилгүй цагдаагийн газартаа тушааж алдаршсан нэгэн. Хувийн амьдрал нь бол бүтэлгүй. Өөрөө сайхан хүүхнүүдийг шүтэн бишрэх тул авгай хүүхэд нь түүнээс салсан. Хүүгээ өөр дээрээ авах гэж шүүхдээд бүтдэггүй. Түүний хамтрагч нь сая долларыг аваагүй явдалд ихэд уурсаж, Ричитэй харьцахаа болино. Улмаар буруу замаар орж, нэг л өдөр амиа алдсан байлаа. Түүний халааснаас эд мөрийн баримт гарч ирсэн нь нөгөө л Blue Magic.
Ричи Blue Magic-ийн цаад эзнийг олохын тулд өөр шигээ хүүхэн шууханд дуртай ч, ажилдаа үнэнч хэдэн шижигнэсэн залуусаар баг бүрдүүлж авна. Нэгэн удаа цагдаагийн газраасаа 20 мянган доллар аваад, цэнхэр шидтэн зарагчид өгч явуулна. Сүүлчийн шахааг нь олох санаатай мөрдөж байтал, өөр дүүргийн Трупо тэргүүтэй бохир цагдаа нар мөнгийг "хурааж" аваад хариугүй явах нь ээ. Ричи арай гэж мөнгөө олж авдаг.
Нэгэн удаа Фрэнк эхнэрийнхээ бэлэглэсэн шиншиллагийн арьсан дээлийг өмсөөд Мухаммед Алигийн тоглолтыг үзсэн нь гай болно. Олон ч хүний анхааралд өртөнө. Ричи ч фотог нь олж авна. Трупо ч Фрэнкээс татвар авахыг оролдоно.
Дайн дуусчээ. Сайгоноос хар тамхи авчрах аргагүй болов. Гэвч Фрэнк нэгэн арга сэдсэн нь амь үрэгдсэн цэргүүдийн авсан дотор нуух байлаа. Энэ аргаараа 2000 ки барааг АНУ руу илгээнэ. Ричи нар Фрэнкийн дүүгийн жолооч, хаа сайгүй согтуу буудаж явдаг нэгнийг баривчилж, 15 жил үү, манай "харх" болох уу хэмээн шахаанд оруулж, хар тамхи ирэх онгоцыг мэдэж авна. Улмаар онгоц газардахад нэгжлэг хийх боловч, хар тамхийг олохгүй. Авсыг уудлах гэтэл хэнхэг генералууд саад болно. Ийнхүү авсыг хараанаасаа алдалгүй шиг мөрдөнө. Харанхуй болмогц Фрэнкийнхэн ч ирж авсны доод талаас хар тамхиа авна. Ричи нар мөрдсөөр үйлдвэр дээр нь очно. Энд бөөн буудалцаан болж, алахыг нь алж, баривчлахыг нь баривчлана.
Нөгөөтэйгүүр Трупо ч зүгээр байсангүй, Фрэнкийнд очиж, хамаг юмыг нь буулгаад, нохойн амбааран доороос нь бөөн дойлуур аваад алга болно. Фрэнк энэ үед Бангкокт байсаан. Ирээд Трупог алахыг завдан, буугаа аваад гарах гэсэн ч, ээж нь алгадан зодсон тул больж, харин сүм рүү явдаг. Сүмээсээ гарч ирэхэд Ричи нар хавь ойрыг нь бүсэлчихсэн хүлээж байваа.
Ричи Фрэнкийг 70 жил үү, авлигачин цагдаа нарыг илчлэх үү гэнэ. "Чи надад юу амлах юм?" гэхэд "Чамайг ганц л нэр худал хэлэхэд, хэзээ ч шоронгоос гаргахгүй байхаа амлаж байна" гэдэг. Фрэнк авлигачин цагдаа нарыг бүгдийг нь илчилж, зөвхөн хар тамхины хэлтсээс л гэхэд 3/4-ийг нь баривчилсан байдаг. Трупо ч баригдах болоод амиа хорлоно. Фрэнкэд 15 жил өгсөн бөгөөд, 1991 онд шоронгоос гарч ирнэ. Түүний хэдэн зуун сая долларыг улсын өмч болгосон. Ричи энэ явдлын дараа цагдаагийн албанаасаа гарсан бөгөөд, өмгөөлөгч болж, анхны үйлчлүүлэгч нь Фрэнк байсийм гэдэг. Фрэнкийн гучаад хамаатан шоронд суусийм гэдэг.

Үнэхээр сайн кино юмаа. Ерөөсөө ангайж үзсээр байгаал таарлаа. Ноднин анх нээгдэж байхад нь Camrip-ээр үзэж байсан, сая DVD-ээр үзсэн л дээ. Ридли Скотт маань Рассел Кроу, Лео ди Каприо хоёрыг тоглуулж, бас нэг иймэрхүү кино хийж байгаа юм билээ. Тэр ч бас сайн бүтээл болох байх аа.

WALL-E (2008)

WALL-E гэдэг бол робот. Түүний нэр нь Waste Allocation Load Lifter Earth-Class буюу Дэлхийн орчны оюунлиг устгагч гэсэн утгатай. Хүмүүн төрөлхтөн хогоо дийлэхээ байгаад, дэлхийгээс ниссэнээс хойш 700 жил өнгөрчээ. Энэ хугацаанд роботууд дэлхийн хогийг тасралтгүй цэвэрлэж ирсэн бөгөөд, тэд дэлхий дээр хүн амьдрах нөхцөл бололцоог бүрдүүлэх учиртай байв. Тэдний нэг нь хөгжилтэй бяцхан робот WALL-E юм. Тэрбээр өдөр бүр нэгэн хэвийн ажлаа хийгээд л, хогон дундаас хэрэгтэй зүйлээ ч олж авдаг. Өөрийн амьдардаг контейнерээ сүрхий тохижуулж, зурагт мурагт ч тавьсан. Нэгэнтээ оюунлиг робот тул хүний харьцааны нандин элементүүдийг ТВ-ээр харж, бодрол болно.
Нэгэн удаа Дэлхий дээр Ева хэмээх "үзэсгэлэнт" бөгөөд дайчин робот бууж ирнэ. Тэр ямар нэг зүйл хайгаастай. WALL-E, Ева хоёр танилцан дотносно. WALL-E өөрийн контейнерийн чамин дайван бүхнийг Евад (рубик шоо, чийдэнгийн шил etc.) үзүүлэх бөгөөд, хогон дундаас олсон цэцгээ үзүүлтэл Ева шүүрч аван дотроо хийгээд таг болчихно. WALL-E хичнээн оролдоод ч Еваг ажиллуулж чаддаггүй. Удалгүй хөлөг нисч ирж Еваг авч явах бөгөөд, WALL-E хөлгөөс зүүгдсээр дэлхийн хүмүүсийн амьдарч байгаа Аксиом хөлөгт морилон очвоо. Хүмүүсийн оюун санааг ер нь робот удирдаж байна гэж болохоор болжээ. Тэд өдрийн туршид компьютерийн дэлгэцээс салахгүй бөгөөд бүгд тус тусдаа бяцхан хөлгөөр зорчиж явна. Хөдөлгөөний дутагдалд орсон тул бүгд маш тарган.
Хөлгийн ахмад Евагийн олж ирсэн цэцгийг үзээд, "одоо л нэг Дэлхий рүү буцах боломжтой боллоо, 700 жил хүлээлээ" хэмээн баясан хашхирна. Гэтэл хөлгийн роботууд өөр бодолтой байв. Хэрвээ Дэлхий рүү хүмүүс явчихвал тэд ажилгүй болох учраас явуулахгүй байх бүхий л арга хэмжээг авч эхэлдэг. Гэвч эцсийн эцэст хэд хэдэн "галзуу" хэмээн оношлогдсон роботууд, WALL-E, Ева, хөлгийн ахмад нар нийлж, роботуудыг ялж чадах бөгөөд, Дэлхий дээр газардсанаар кино төгсдөг билээ.

Миний хувьд энэ кино тийм ч их таалагдсангүй. Бүр дэндүү, дэндүү өвөрмөц кино юм аа.

Kung Fu Panda (2008)

По бол кунфуд дуртай, аавынхаа хоолон гэрт ажилладаг панда. Тэрбээр гайхамшигт кунфугийн тавал болох Тайгресс бар, Монки сармагчин, Мантис цөгөрцөг, Вайпер могой, Крейн дэглий нарыг шүтэж, тэдэнтэй адил болохыг хүсэн мөрөөддөг. Энэхүү Энх амгалангийн орны оройд Хувь заяаны сүм байрлах бөгөөд, голлох багш нь Уугвэй яст мэлхий, Шифу давжаа панда нар юм.
Нэгэн удаа шоронгоос аюулт дайсан ирвэс Тай Лунг оргож, улс орон сандралд автана. Тай Лунг бол уг нь Шифугийн гарын шавь бөгөөд, хэтэрхий харгис хэрцгий болоод, эвдрээд ирсэн ба, хэний ч хүрэх эрхгүй Луугийн бичээсийг авах гэж оролдсоноор шорон руу илгээгдсэн юм. Түүнийг ялах Луугийн дайчныг бэлдэхийн тулд Хувь заяаны сүмд тэмцээн зохиох болно. Гэтэл энэ тэмцээн эхлэхээс өмнөхөн бүтэлгүй панда По талбайн дунд нисэн ирж бууснаас болж, Уугвэй түүнийг Луугийн дайчнаар сонгох нь тэр ээ. По үүнийг огтхон ч төсөөлөөгүй нь мэдээж. Гайхамшигт тавалын багш Шифу үүнд ихэд хилэгнэж, Пог зайлуулахыг бүх чадлаараа чармайх болно.
Гайхамшигт тавалынхан Тай Лунгийг ялж хүчээ мэдрүүлэхээр угтан очих боловч, бүгд салам балбуулан буцаж ирнэ. Дасгал сургууль огтхон ч сурахгүй байсан Пог зөөлөрсөн Шифу багш хоолонд дуртай зангаар нь кунфуд сургахаар шийднэ. Жишээ нь савхаар банш булаалдах гэх мэт. Ийнхүү По кунфу эрдэмд төгс боловсордог. Гайхамшигт тавалыг зодуулсан байхыг хараад Шифу багш ихэд гутарч, бүгдээрээ яв, би Тай Лунгтай тулалдана гэж хэлдэг. Бүгд уруу доройгоор дүрвэж явахад По ааваасаа ухаарлыг олж, буцан Хувь заяаны сүм рүү гүйнэ.
Энэ үед Тай Лунг Шифутай тулалдаж, үндсэндээ ялсан байдаг. Эцсийн тулаан По, Тай Лунг нарын хооронд болж, По ялдаг билээл.

Ёстой нэг элэг хөшмөөр адал явдалтай кино байлаа. Camrip-ээр үзсэн болохоор, хурдхан DVD-г нь худалдах авахсан хэмээн тэсэн ядан хүлээж байна.

Never Back Down (2008)

Давгүй зодолдчихдог Жейк Тайлер ээж дүүгийн хамт шинэ хотод хүрэлцэн ирнэ. Түүний зодолдож буй бичлэг нээтээр тархцан байдаг болохоор шинэ сургуулийнхан нь түүнийг андахгүй мэдэж байв. Тэрбээр ахин зодолдохгүй гэж шийдсэн байсан юм. Түүний шинэ танил Макс Куперман зодолдох сайхан нтр гэж түүнийг ятгаал.

Нэгэн удаа Жейк явж байгаад Байа Миллер бүсгүйтэй таарах бөгөөд Байа Жейкийг үдэшлэгт урьдаг. Гэтэл энэ нь урьдаас зохион байгуулсан ажиллагаа байсан бөгөөд, Байагийн найз залуу, эндхийн дүрэмгүй зодооны аварга Райан Маккарти өөртэйгээ тулалдахыг шаардана. Жейкийг элдвээр хатгасаар зодолдох болгоно. Жейк болхи баарагдуугаар зодооноо эхэлсэн ч, Райанд нарим балбуулдаг.
Гутарсан Жейк Максийн хамт түүний хичээллдэг gym-d очно. Тэнд Жан Рокуа гэж лаг зодоонч хар хичээл заах бөгөөд, Жейк зодооны урлагийг махран судалдаг. Хажуугаар нь Байа гэмшлээ илэрхийлэн, Жейкийг эргүүлдэх боловч, Жейк түүнийг тоохгүй. Байа бүр Райанаас салдаг.
Жейк ууртайгаар хичээллэж байгаад багшдаа загнуулж, хөөгдөх бөгөөд, тэр уурандаа явсаар шар хаммер унасан гэмгүй хэдэн баагийг салам зодож орхино. Бас л тэр бичлэг нь YouTube өөр юу юу байдийн тараал, Жейк ахиал бөөн алдартай болно. Харин Жейкийг Райан нойлын өрөөнд хавсарч унагаад хуга дээрэлхэнэ.
Жейк улам сэтгэлээр унаж, Жан багшаасаа уучлал гуйна. Мөн Байатай ч дотносдог. Райан тэнчээ уур нь хүрээл. Жейк өөртэй нь тулалдахгүйг мэдээд, уурыг нь хүргэхийн тулд найз Максийг нь үхтэл зоддог. Жейк ч Райантай тулалдаж ялдаг билээ.

Ёстой л нэг 90-ээд оны эхэн үед гардаг байсан шиг гэнэн үйл явдалтай кино байлаа. Хүмүүсийн зан харьцаа, үйл хөдлөл сонион сонин. Зүгээр л чартанд яваад байсан болохоор нь үзцийн.

Incredible Hulk, The (2008)

Энэ анги өмнөх Халкийн шууд үргэлжлэл маягаар эхэлсэн. Брюс Баннер маань Бразилд пивоны үйлдвэрт ажиллаж, түүнийхээ хажуугаар уураа барих дасгалыг тогтмол хийж байна. Гай болж нэг өдөр гараа эсгэсэн цус нь пивон дотор орчихно. Улмаар Америк луу пиво очиж, нэгэн өвгөн уугаад хордож үхсэнээр хэнээтэй генерал Росс Бразил руу бөөн хүч илгээнэ. Тэднийг Орост төрж, Англид өсч яасан яасан ч гэнүү Эмил Блонски гэгч ахалж явах боловч Брюсийг барьж чаддаггүй.
Генерал Росс үүний дараа Эмилд янзан бүрийн бэлдмэл тарьж энгийн хүнэээс хэд дахин чадалтай нэгэн болгоно. Энэ үед Брюс Америкт очиж, хуучин хайр Беттитэйгээ уулзана. Бетти бол Россын охин гэдгийг үзэгчид өмнөх ангиас мэдэх байх. Беттигийн эрдэм шинжилгээний хүрээлэнгийн гадаа том тулаан болдог. Халкийг бүр авиан буугаар буудаж үзлээ нэмэр алга аа. Нөгөө Эмил чинь "citius altius fortius" болцон нөхөр Халкийн энд ч нэг гарч буудаад, тэнд ч гарч гранат шидэж байгаад, ганц өшиглөлтөөр нам болно. Бүх яс нь хугарсан гэж байгаа. Халк Беттиг нисдэг тэрэгнээс хамгаалж, улмаар аваад явчихдаг.
Эмилийн шарх гайхмаар хурдан эдгэнэ. Улмаар улайрсан тэрбээр Брюсийг эмчилж байсан доктор Сэмүэл дээр очоод өөрийгөө гамма туяагаар буудуулж, эсрэг талын Халк - Abomination болж хувирваа.
Abomination Халкийн тулаан газар тэнгэр доргитол явагдаж, Халк ялснаар кино төгсдөг билээ.

Нэгдүгээр ангиа яавч гүйцэхгүй санагдлаа. Дүрүүд нь ч, хийц загвар нь ч, утга санаа нь ч гэсэн. Гэхдээ давгүй кино болсон байна лээ, DVD-г нь авна аа.

Indiana Jones and the Kingdom of the Crystal Skull (2008)

Америкийн нэгэн нууц баазыг америк цэргийн машинууд зорин давхиж буйгаар кино эхлэнэ. Ер нь энэ кино тэр чигээрээ эхлэхээсээ авахуулаад л 50-аад оны байдлыг маш сайн үзүүлсэн байгаа. Машинтай цэргүүд зорьсон газраа очоод харин зөвлөлтийн 'комрадууд' болж хувирна. Тэд хамаг харуул хамгаалалтыг алаал, багаажнаасаа нэг нөхрийг найзынх нь хамт гаргаад шидцэн нь Инди болон түүний нөхөр Жорж Макхэйл (Беовульф) байлаа. Оросын тагнуулч Ирина Спалькогоор удирдуулсан нөхдүүд түүнийг цэргийн агуулахаас учир битүүлэг харь гаригийн хүний шарил олуулахаар авчиржээ. Инди шарилыг олж өгсөн ч, мултран гарч чадна. Харин найз Мак нь түүнээс урвасан байдаг.
Амь мултарсан Индиг ТТГ-ынхан сонирхоод байсан тул хотоо орхин явахаас аргагүйд хүрнэ. Галт тэргэнд дөнгөж суутал нүүрэндээ галтай, Марлон Брандог дуурайж хувцасласан, хутгаар тоглох дуртай Матт Уильямс хүү ирж уулзана. Тэрбээр Индигийн нөхөр профессор Оксли болон ээж нь аюулд учраад байгааг мэдэгдэнэ. Оксли буюу Окс болор гавлыг олсон тул аюулд учирчээ. Тэднийг Перуд аваачсан байв. Инди, Матт нар Перуд байдаг нөгөө аварга зурагнуудын хажуухнаас 15-р зууны үеийн конкистадор Франциско де Орелянагийн шарилыг болон болор гавлыг ч олно. Гэвч олонгуутаа л Спалько нарт баригдчихна. Тэгээл бөөн адал явдал, хөөцөлдөөн нтр болно. Маттын ээж бол Индигийн хуучин гёрлфрэнд Мэрион, түүгээр зогсохгүй Матт Индигийн хүү болж таарна. Маш их адал явдал туулсны эцэст Болор гавлын хаант улс гэгдээд байгаа Инкийн пирамид руугаа ороод явчихна. Спалько нар ч дагаж ирээд, Спалько харь гаригийн хүчийг авахыг санаархсан боловч, болор гавал, Спалько бүгд нисдэг тавганд суугаад алга болж өгнө. Энэ төгсгөл жаахан тиймэрхүү л санагдсан (National Treasure 2 шиг ч юм шиг).
Харин Инди Мэрионтойгоо гэрлэж, хэппи-энд болно. Энд нэг санаа гарсан нь Матт эцгийнхээ малгайг өмсөх гэсэн нь. Дараачийн Индиана Жонс бэлэн болчихож байгаа юм биш үү гэсэн бодлыг тархинд харвуулаад хоцорлоо.

Ямар ч байсан таалагдсан, Индигийн цуврал ийм л байх ёстой, DVD-г нь хүлээж байна.

Chronicles of Narnia: Prince Caspian (2008)

Нарниагийн хуурамч хаан, дарангуйлагч Миразийнд нуган хүү төрнө. Ингэснээр жинхэнэ ханхүү Каспианд аюул учирч, "Хуучин Нарниа" буюу зүсэн зүйлийн ярьдаг амьтадын хоргоддог ойд очно. Каспиан тусламж дуудсан дун бүрээгээ үлээж орхисноос Лондонд амар тайван сууж байсан Певенси овогт дөрвөн хүүхэд маань Нарниад очно. Тэд Каспиантай нийлээд, Миразийн ордонд төрийн эргэлт хийхийг оролдох боловч, Каспиан өш хонзондоо хэт автсанаас бүтэлгүйтэж, нэлээн олон дайчнаа алдаж, арайхийн зугатацгаана.
Дөрвөн хүүхдийн хамгийн том нь болох Питер Каспиантай бас их шөргөөцөлдөнө өө. Каспиан Питерийн дүү Сюзанд сэтгэл алдрах маягийн.
Мираз их цэргээ аваад Нарниагийн ойд очно. Миразийн цэргүүд бүгд төмөр баг өмссөн нь маш давгүй санагдсан. Питер Миразтай тулалдаж ялвал цэргээ буцаана гэсэн болзолтойгоор тулалдана. Хүнд хэцүү тулалдааны дараа Питер Миразийг ялах бөгөөд, амийг нь өршөөтөл Миразийн шадар нь бяцхан төрийн эргэлт хийгээд Миразийг алчихна. Тэгээд л их цэргээ авч дайраад, катапультаар харваад алах нь ээ. Ялагддагийн даваан дээр бяцхан Люси Певенси цагаа олж Аслан арсланг олж ирнэ. Тэгэнгүүт л баахан LOTR-ийн энтүүд шиг аварга моднууд дайраад, Миразийнхан нуур луу ухраад. Нуураас Посейдон шиг нөхөр гарч ирээд бүгдийг нь живүүлээд алчихна.
Тэгээл Каспиан хаан болоод, бүх юм сайхан болсон доо.

Киноны эффект тасархай тасархай. Ялангуяа Миразийн цэргүүдийн тэр төмөр баг маш их таалагдсан. Хурдан DVD нь гараасай л гэж хэлмээр байна.

21 (2008)

Авьяаслаг оюутан, гоц ухаантан Бен Кэмпбелл Харвардын Анагаахын ИС-д суралцахыг хүстэл, төлбөр нь гэж 300К доллар байв. Тэтгэлэгт хамрагдая гэтэл, тэр нь 70 орчим шилдэг genius оюутнуудын нэгд л олгох болохоор, бухал дундаас зүү шүүрэх адил л найдвар муутай. Харин түүний матийн багш профессор Мики Роза түүнд нэгэн сонирхолтой санал дэвшүүлнэ. Тэрбээр сургуулийнхаа гоц ухаант хүүхдүүд болох Жилл Тейлор (Бений зүүдний дагина), Чой (солонгос), Кианна (вьетнам?) болон Жимми Фишер (Бентэй ирээдүйд сөргөлдөх нөхөр) нараар баг бүрдүүлж, үе үехэн Лас Вегаст очиж, казиногоос овоо хэдэн доллар хожчихоод ирдэг аж. "21 татах" тоглоомыг тэд тооцоолон бодох ухаанаараа гарамгай тоглодог . Бен эхэндээ цааргалж байсан боловч тэдэнтэй нэгддэг.
Ингээл тэд үе үе Вегас луу нисч, их хэмжээний мөнгө олох болно. Бен мөнгөө дотуур байрныхаа дээвэрт хураагаад л. Мөнгө нь 315K хүрнэ. Энэ үес Бен хөнгөн задгай амьдралд дуртай болж, Жиллтэй ч нэлээн дотносно. Жиллд санаатай Жимми Бенийг "Чи Борооны хүн кинон дээр гардаг Реймонд Бабит гэдэг тэнэг гартай адил сайн тоглох юм аа" гэхчилэн үгээр идэж, браилцаж авна. Мики түүнийг багаасаа хөөнө.
Нэгэн удаа Бен өөрийгөө татаж авалгүй хэт улайрч байгаад 200 000 доллар алдчихдаг. Энэ үед Микигийн жинхэнэ араншин илэрнэ. Тэрбээр Бенийг заавал тэр мөнгийг төлөхийг шаарддаг. Бен Микитэй хэрэлдэж, улмаар багаа аваад казинод тоглож алдах боловч, казиногийн хамгаалалтын албаны дарга Коул Уильямс түүнийг барьж аваад, зодож зодож явуулна. Бенийг Мики хоолойгоо өөрчилж байгаад Коулд матсан хэрэг.
Бен салгалсаар Бостондоо иртэл түүний арайхийн цуглуулсан хамаг мөнгийг Мики аваад явчихсан байлаа. Бений хамаг амьдрал утгагүй болно. Гэвч Бен шинэ арга сүвэгчилж, Мики дээр уучлал эрэн очиж, ахин Вегаст очиж тоглох санал тавина. Мики ч их мөнгөний тоо дуулаад урхинд нь ордог. Тэд Вегаст тоглож байхад Коул тэднийг барьж авахаар хөөх бөгөөд, Мики хамаг хасаагаа аваад шууд нөхдүүдээсээ зугтана. Таксинд ороод хасаагаа үзтэл, хасааны оронд зоосон шоколаднууд байв. Бен нар сольчихсон юмсанж. Тэгээд бүр анхнаасаа Бен Коултай хуйвалдаж, Микиг барьж өгөхөөр тохирсон юм байна. Учир нь Мики Коулийн эзгүй хойгуур олоон жилийн өмнө асар их доллар хожоод зугатачихсан байжээ. Микиг Коул сургаж өгөхөөр дөхөж очиж байгаагаар кино төгсөнө.
Төгсгөлд нь зарим нэг ойлгомжгүй зүйл гарсан нь гэвэл, Микигийн хураасан мөнгийг Коул авчихав уу яав. Тэгээд бас Бенд сар бүр тэтгэлэг өгдөг гэнэ үү. Тэрийг сайн ойлгосонгүй.

Миний хувьд ганц үзэхэд л давгүй кино юм гэж санагдлаа. Казино гэдэг чинь хожиж болдоггүй яачихсан эд вэ хэмээн гайхаш тасрав.

Iron Man (2008)

Авьяаслаг зэвсэг зохион бүтээгч Тони Старк (Роберт Дауни Жуниор) "Иерихон" хэмээх шинэ пуужингаа цэргийнхэнд танилцуулж, амжилттайгаар гэрээ хэлцлээ байгуулаад харьж явах замдаа терроруудын довтолгоонд өртөнө. Ядаж байхад Афган дахь цэргийн баазад танилцуулсныг ч хэлэх үү. Түүний хажууд өөрийнх нь хийдэг "Stark Industries" гэсэн шошготой пуужин дэлбэрч мань хүн ухаан алдан унана. Нэг ухаан ороход түүний цээжинд цахилгаан соронзон суулгасан байсан бөгөөд тэр нь цахилгаан үүсгүүртэй холбогдсон байв. Старкийн биед орсон бөмбөгний хэлтэрхийнүүд зүрхэнд нь орох аюултай байсан тул хамт хоригдож байсан эрдэмтэн Еинсен үүнийг үйлджээ. Соронзон хэлтэрхийнүүдийг өөртөө татаж байх аж. Терроруудын (магадгүй талибууд байх) толгойлогч Раза түүнийг яг "Иерихон" шиг пуужин бүтээхийг шаардана. Старк ч ажилдаа орох бөгөөд, юуны өмнө өөрийнхөө цээжинд нэмэлт үүсгүүр шаарддаггүй мөртлөө илүү хүчтэй соронзонг (яг ямар технологи болохыг нь мартчихаж) байрлуулж авна. Старкийг өөр юм хийгээд байгааг мэдсэн Раза түүнийг ажилдаа хурдан орохыг шаардах бөгөөд Старк харин Иерихон биш төмөр өмсгөлийг дархалсан байдаг. Түүнийгээ өмсөөд терроруудыг бут цохиж, суллагдах бөгөөд, өмсгөлийнхөө тусламжтайгаар нисч яваад элсэн цөлд унаж, азаар АНУ-ын цэргийн нисдэг тэргүүдэд дайгддаг.
Нутагтаа очоод ахин зэвсгийн үйлдвэрлэл явуулахгүй гэдгээ ХБХ-аар мэдэгдэнэ. Үүнд хамтран зүтгэгч Обадиа Стейн (Жефф Брижес) нь ихэд хорсох бөгөөд, Старкийг компаниас шахан түрэх арга хэмжээ авч эхлэнэ. Старк харин үүнийг нэг их юманд бодолгүй, ажлын өрөөндөө төмөр өмсгөлөө улам боловсронгуй болгосоор. Старкад үнэнч туслах бүсгүй Виржиния Потс (Гвинет Пэлтроу) байнга туслана.
Гэтэл Обадиа Разатай холбоотой, түүнд зэвсэг нууцаар зардаг байжээ. Бүр анхнаасаа Старкийг хөнөөх ажиллагааг Разад захиалга өгч зохион байгуулгасан байна. Гэвч амийг нь хөнөө гэсэн байхад Раза хөлс мөнгөө чамлаад хөнөөгөөгүй юм байна. Обадиа Разагийнхныг бүгдийг нь сөнөөгөөд, элсэн цөлд үлдсэн төмөр өмсгөлийн үлдэгдлүүдийг ачаад явна. Улмаар "Stark Industries"-т Обадиа төмөр өмсгөлийг хийлгэж эхлэнэ. Эцсийн тулаан Старк, Обадиа нарын "төмөр хүмүүсийн" хооронд болох бөгөөд, Старк өрсөлдөгчөө реакторын дэлбэрэлтийн тусламжтайгаар сөнөөдөг билээ.

Дээрх үйл явдлыг уншихад нэг л аймар хурц ширүүн үйл явдалтай, боевик кино мэт санагдах боловч хэрэг дээрээ шал өөр, хагас комеди кино юм. Маш олон хөнгөн хошин хэсгүүд гардаг. Жишээ нь "Төмөр хүний" цохонд нэг террор буугаа тулгаж байгаад буудах боловч, сум нь ойгоод өөрийг нь алж байх жишээтэй. Бас тэгээд Тонигийн бас нэгэн цэргийн зөвлөх Жим Родес (Терренс Ховард) байнга хөгтэй байдлуудыг гаргаж байсаан. Гол баатар Старк яаж ч унаж ойчсон үхдэггүйг бол хошин кино гэдгээр нь тайлбарлаж болох юм.
Кинонд Монголын тухай их гардаг. Старк Еинсенээс "Чи хэдэн хэл мэддэг вэ?" гэхэд Еинсен "араб, пушту... орос, монгол" гэж байх юм. Мөн Раза "Нум сум ч хүчтэй зэвсэг шүү. Тухайн үедээ Чингис хаан үүний хүчээр дэлхийн талыг эзэлж байлаа. Түүний гүрэн Македоны гүрнээс 2 дахин том, Ромоос 4 дахин том..." гээл ярьж байдаг.

10,000 BC (2008)

Эртээ урьдын цагт, МЭӨ 10 000 онд арслан зааны анчидын омог амьдран суудаг байв. Тэд хоол хүнсгүйдэж, өлсгөлөнд автах гэж байхад нэгэн учир битүүлэг охин ирсэн бөгөөд түүнийг Эволет гэнэ. Тэр охиныг хараад омгийн ахлагч Их Эмэг Эх нүднээс нь бөөн ирээдүйн зөн олж харна. Арслан зааны сүрэг ирж, хоолтой золгоно, дөрвөн хөлт адгуус унасан дайчид ирж биднийг түйвээнэ гээл.
Үүнээс олоон жилийн дараа омгийн нэгэн хүү Д'Ле том эр болж, Эволет бүсгүйд дурласан байлаа. Арслан заанууд ч ирж, Д'Ле толгойлогч зааныг нь алан мандана. Энэ үед Д'Ле зааныг азаар алсан нтр гээд ядаргаатаад байдаг юм аа.
Дөрвөн хөлт адгуус буюу морь унасан баагийнууд ч ирж, омгийг түйвээж, Эволет тэргүүтэй омгийнхныг боол болгон авч явна. Энэ сцен нь "Апокалипсис" киноныхтой төстэй, гэхдээ бага цус гарна. Морьтонгуудын толгойлогч Варлорд Эволетэд сэтгэл алдраад ч байх шиг. Д'Ле болон түүний хуурай аав, эрэлхэг дайчин Тик Тик, мөн идэр хөвүүн Баку зэрэг нөхдүүд ардуудаа аврахаар араас нь мордоно. Хүн шиг өндөртэй өвсөн дунд тэд аварга шувууд - пороракустай учран тулалдана. Тэгээл мөшгөөл яваад байна, мөшгөөл яваад байна. Замдаа Д'Ле урхинд орсон сэлмэн шүдэт барсыг суллан тавина. Дараа нь тэд Накуду тэргүүтэй зэрлэг омгийнхонд олзлогдох бөгөөд, нөгөө сэлмэн шүдэт бар Д'Ле нарыг хамгаалсан тул барстай ярилцагч нтр гээд шүтэж мөргөөд бөөн юм болно. Улмаар Д'Ле нар бөөн зэрлэг омгийнхныг дагуулаад хариугүй морьтонгуудыг гүйцэхийн даваан дээр тэд усан онгоцонд суугаад явж өгнө.
Д'Ле нарын арми элсэн цөлөөр олон хоногийн турш аялсаар Египтэрхүү улсад очно. Тэнд энд тэндгүй пирамид бариулж, арслан заануудыг цаг наргүй ажиллуулж, боолуудыг ч гэсэн. Мөн л "Апокалипсис" кинотой төстэй. Өөрийгөө бурхан гэдэг, нүүрээ байнга нууж явдаг, албатууд нь ч нүүрээ таглаж байгаад түүнтэй ярьдаг хаантай. Д'Ле нар ч яахав дайрч ороод л, Д'Ле хааныг жад шидээл алчихна. Тэгээл хамаг арслан зааныг суллаж явуулаад, пирамидуудыг нь нураагаал. Варлорд Эволетийг мориндоо дүүрээд зугатах гэсэн боловч Эволет түүнийг хортой сумаар бүлээд зугатна. Варлорд ч новширч, Эволетийг харваад алчихна. Их Эмэг Эх киноны туршид Д'Ле нартай сэтгэл зүрхээрээ хамт явсан бөгөөд, Эволетийг үхэх үед түүнд амиа өгч, Эволет ахин амилна. Ийнхүү Яагал омгийнхон маань эрх чөлөөтэй учирна.

Нэлээн онцгүй кино болжээ. Үнэхээр тэр зэрлэг нөхдүүдийн англиар ярьж байгаа нь утгагүй аж. SWAT-ийнхан шиг move move, go go гэж ч байх шиг. Трейлертэйгээ яав ч дүйцэхгүй кино байна. Роланд Эммерих ч дандаа олиггүй кино хийх юм даа (Independence Day, Day After Tomorrow).

Horton Hears a Who! (2008)

Сайхан сэтгэлт заан Хортон (Jim Carey) аялан зугаалж яваад, цэцгийн тоосноос хүмүүний туслаж хүсэн дуугарах авиа гарах шиг болохыг сонсоно. Улмаар тэрхүү цэцгийн тоосыг багваахай цэцгэн дээр тавьж авдаг. Гэтэл үнэхээр тэр цэцгийн тоосон дотор бүхэл бүтэн Хэн гэдэг хот (Whoville - Хэн хот) байдаг аж. Хэн хотын дарга (Steve Carell) 96 охинтой, ганц л хүүтэй гэж байгаа.
Хортон хотын даргатай холбоо барьж чадах бөгөөд, хот нь аюулд учраад байгаа мэрт мэдэгдэнэ. Мэр хэнчүүдийг нүүлгэн шилжүүлэх хэмээн оролдох боловч, хотын удирдах зөвлөл "хотын 100 жилийн ойг тэмдэглэх гэж байхад бүү солиор" гээд саналыг нь хүлээж авахгүй.
Хортон цэцгийн тоосыг хамгийн аюулгүй газар болох уулын орой дээр аваачих замд олон саад тохиох бөгөөд, Кенгуру түүнийг галзуурсан хэмээн үзэж, хүүхдүүдэд муу үлгэр дууриал болно хэмээн саад хийхийг оролдоно. Улмаар Влад тасанд (ёлонд) түүнийг "захиалах" бөгөөд, энэ нь амжилтгүй болно. Кенгуру Хортоны эсрэг ойн бүх амьтдыг босгож, цэцгийг нь булааж аваад яг халуун тогоонд хийж, үнс нурам болгох гэж буй тэр мөчид, мэр ард иргэдэд Хортон заан бий гэдгийг итгүүлэх бөгөөд, цэцэгнээс гарах авиаг ойн амьтад сонсож, Хэн хот аврагдана.

Дээр өгүүлсэн үйл явдлын хураангуйн туршид маш их элэг хөшим адал явдлууд дүүрэн байсныг хэлэх хэрэгтэй. Бас тэгээд манай дэлхий ч харь гаригийн хэн нэгэнд ийм жижигхэн байдаг юм биш байгаа гэсэн санааг төрүүлээд амжив.

Үнэхээр сайн кино болсон байна. Та бүхэн элгээ хөштөл инээе гэвэл заавал үзээрэй!

Other Boleyn Girl, The (2008)

Язгууртан Томас Болейн Анна, Мэри нарын охид, Жорж хүүгийн хамт амьдардаг. Гэтэл нэгэн удаа тэднийд хаан Генри өөрийн биеэр зочилж ирэх болно. Хааны хатан, испани цуст Арагоны Кэтрин хүү төрүүлж чадахгүй байгаа нь Генри хааны толгойны өвчин. Энэ үеэр Томасынд Норфолкийн гүнтэн Томас Говард зочилж ирэх бөгөөд, шалтгаан нь Мэригийн хурим. Говард гүнтэн Аннагаар хаанд сээтэн хаяулах санааг гаргаж ирнэ. Хэрвээ хаан Аннад татагдвал Томасын гэр бүл хаданд гарлаа л гэсэн үг. Анна үүргээ дэндүү сайн биелүүлж байсан бөгөөд хаан түүний араас ухаангүй давхиж яваад хадан дээрээс унаж бэртэнэ. Энэ үед Говард гүнтэн хааныг Мэригээр асруулах санал гаргана. Охидын аав Говардын ганц ч үгнээс гарахгүй.
Хаан ухаан ороод Мэриг харж, түүнд сэтгэл татагдан, ордондоо урьдаг. Үүнээс болж Мэри нөхрөөсөө салахаас аргагүй болно. Хэрэв хаанд татгалзвал толгойгүй болох юм чинь. Мэри хаанаас хүүхэдтэй болох бөгөөд, Мэриг амжилттай амаржуулахын тулд тусгаарлаж, гэрийн хорионд оруулна. Нэгэн гүнтэнтэй нууцаар гэрлэсэн хэргээр Францад "цөлөгдөөд" байсан Аннаг гэрийнхэн нь дуудаж авчрах бөгөөд, Аннагаар хааныг урхидуулах санаатай. Учир нь Мэриг хорионд байх хугацаанд хаан өөр хүүхэн лүү хэлбийчих гээд байсан хэрэг. Гэтэл нөгөө хаан чинь Анна руу ухаан алдаж гүйгээд, Анна ч эм хүний уран нарийн илбэ жилбийг ашиглан, хааныг галзуурахад ганц хуруу дутуу болгоно. Хаан Аннагийн төлөө юу ч хийхэд бэлэн байв.
Анна 1-рт, хааныг Мэритэй огт ярихаа болих, 2-рт, хатан хаан болох зэрэг шаардлага тавина. Хаан түүний хүссэнийг гүйцэлдүүлж, хөөрхий Мэриг хөөрхөн хүүтэй нь орхино. Тэгээд хаан Кэтринээс салах гэтэл Кэтрин намайг ромын пап л шүүнэ гээд гэдийчихэв. Улмаар хааныг аргатай хүүхний гарт ороод байгааг нь ухааруулах боловч, хаан түүнийг нь "буруугаар ойлгож", одоо болтол өөрт нь биеэ өгөөгүй байсан Анна дээр давхиж очоод хүчээр эзэмдэнэ. Гэхдээ Генри хаан ромын папаас харьцаагаа тасалж, бие даасан Англикан шашныг үүсгэснээр чухал үүрэг гүйцэтгэсэн юм. Анна харамсалтай нь, охин төрүүлнэ. Дараа нь ахин хүүхэд олох боловч тэр нь дутуу төрчихнө. Генри Анна хоёрын зай улам холдсоор. Анна хүүхдээ зулбасныг Генригээс нуух бөгөөд, хүний санаанд оромгүй зүйл бодож олсон нь дүү Жоржоос хүүхэдтэй болох явдал байв. Гэвч цагаа тулахад тэд үүнийг хийж зүрхэлдэггүй. Харин Жоржийн эхнэр энэ байдлыг харчихаад, хаанд матах бөгөөд, хаан хоюуланг нь баривчлуулж, цаазаар авдгийн.
Аннагаас төрсөн охин бол хожим Английн алтан үеийг эхлүүлсэн Элизабет хатан байлаа гэж.

Киноны зураач маш сайн ажиллажээ. Мөн 1998 оны Элизабет, 2007 оны Элизабет энэ гурав сайхан цуглуулгын багц болох юм шиг санагдчихлаа.

Vantage Point (2008)

Кинонд бол үндсэндээ нэг үйл явдлыг 8 хүний нүдээр харуулдгийн.
Эхлээд бие хамгаалагч Томас Барнз. Тэрбээр эсрэг талын байшингийн цонхны хөшиг хөдлөөд байгааг ажиж, тийш нь хамгаалагчид явуулсан ч, дээд талын цонхоор нь ерөнхийлөгчийг бууддаг.
Дараа нь нэгэн учир битүүлэг "цагдаа" Энрике. Вероника гээд нэг күүкэнд цүнхтэй C4 дамжуулахаар ирэхэд нь Вероника Хавьер гээд залуутай уулзаж байдийн. Тэгээд ерөнхийлөгчийг буудуулахад, Энрике яагаад ч юм гүйж яваад, Барнзад баригддаг. Дараа нь тэр мөрдөгчдөөс мултарч, болзсон газраа очдог шиг байгаан.
Ерөнхийлөгч Эштон. Үнэндээ тэр хуурамч ерөнхийлөгчийг ёслолын ажиллагаанд явуулчихсан юм билээ л дээ. Тэгээд ТВ-ээр харжээ суутал жүжигчнийг снайпердчихаж байгаам. Дараа нь тэрний сууж байсан зочид буудалд хүчтэй дэлбэрэлт болж, улмаар нүүрээ халхалсан залуу бүх туслахуудыг нь дуу намсгагчтай буугаар буудан унагана...
Дараагийнх нь АНУ-ын жуулчин Ховард Льюис. Тэрбээр жаахан дүйнгэдүү нөхрийн дүрд тоглосон. Гэхдээ цагаа тулахаар үнэн боевик. Гэмт хэрэгтэн Энрикегийн араас камердаад л гүйгээд байгаам чинь. Тэгсээр байгаад эцсийн цэг дээр нь очоод байж байтал, нэг жаахан охин Вероника, Суарес нарын эмнэлгийн тэргэнд дайруулах гэж байв...
Эцэст нь Хавьерийн ба бусад нөхдүүдийн нүдээр. Хавьерийг энэ ажиллагаанд оролцуулах гэж Суарес нар дүүг нь барьцаалсан гэж байгаа. Суарес гэж нэг PDA-ээр л хамаг ажлаа явуулдаг нөхөр. Тэрбээр ядах төдөх юмгүй алсын удирдлагаар хуурамч ерөнхийлөгчийг снайпердаж унагаад л. PDA-аар ерөнхийлөгчийг снайпердаж байхыг хараад 10-аад жилийн өмнө Брюс Уиллис их зовж байж дээ гэж бодов (Jackal, 1997) . Тэр хооронд Хавьер ерөнхийлөгчийн байрлаж буй зочид буудал руу довтолж, Эштоныг аваад Вероникагийн хамт эмнэлгийн тэрэг лүү ачна. Барнзийн итгэж явсан мөрдөгч Кент мөн энэ ажиллагаанд оролцсон. Гэвч тэд эцсийн цэг дээр уулзалдах гэж яваад, хоорондоо зарим нь түнжин хагарч, буудалцаад, тэгээд бас Барнз гарч ирээд (энэ үеэр Борныхоос дутахгүй машины хөөцөлдөөн болсон ), ядаж байхад жаахан охиныг дайрахгүй гэсэндээ Суарес рулиэ хүчтэй мушгиснаас онхолдоод, бараг л азаар ерөнхийлөгч амьд гарч байгаа юм. Бүх террор нөхдүүд ядах юмгүй үхчихэж байгаам чинь.

Төгсгөл нь жаахан гэнэн санагдсан ч гэлээ, ерөнхийдөө өвөрмөцөөр хийх гэж оролдсон, гоё кино болсон байлээ.

Spawn (1997)

Цагтаа шилдэг спец-эффектэй гэгдэж байсан энэ кино 40 саяар бүтэж, 54 саяын ашиг олж байжээ. Тодд Макфарлейний комик номоор бүтээгдсэн.
А-6 гээд нууц байгууллага байдгийн. Тэр байгууллагын босс Жейсон Винн (Мартин Шин) тамын чөтгөр Алиалагчтай холбоо сүлбээтэй нэгэн. Жейсон Хойд Солонгосын үй олноор хөнөөх зэвсгийг хулгайлж авч, дэлхий ертөнцийг сөнөөнө хэмээн айлган сүрдүүлэх зорилгыг агуулна. Энэ зорилгодоо өөрийн шилдэг дайчин, сүүлийн үед өөрийнх нь өөдөөс цор цор гээд байх болсон Эл Симмонсийг (Майкл Жей Уайт) ашиглахаар болно. Жейсон үнэнч туслах үзэсгэлэнт Жессикагийн хамт Хойд Солонгосын зэвсгийн үйлдвэрт Элийн туслалцаатайгаар нэвтрэх ба, зорилгоо биелүүлсэн тэд Элийг амьдаар нь шатааж орхидог.
Эл насан бараад тамд унана. Тэрбээр өөрийн эхнэр Ванда, охин хоёроо ахин харахын тулд Тамын хаантай гэрээ байгуулж, Тамын армийн командлагч болдог. Гэхдээ тэрбээр муу үйл хийх угийн дургүй бөгөөд, Жейсоноос өшөө авах хүсэл л түүнийг ийм харалган болгосон хэрэг. Тамаас таван жилийн дараа Эл Спаун нэрээр буцаж ирнэ. Дотны найз Терри нь авгайтай нь суучихсан байх юм. Спаун Жейсоныг алахыг завдаж арай л чаддаггүй. Спаун био хувцсаар тоноглогдсон бөгөөд, сум даах чадалтай.
Энэ үед Жейсон дэлхийг тэр чигээр нь устгах вирусын түлхүүрийг зүрхэндээ суулгадаг. Хэрвээ Жейсон үхэх л юм бол, дэлхий сөнөнө гэсэн үг. Тамын эзэн гэхдээ Жейсоныг үхэхийг юман чинээ бодохгүй шинжтэй. Дэлхийн бүх хүн үхвэл түүний Тамын арми хүчирхэгжиж, Диваажингийн армитай тулалдах бололцоотой болох хойно. Чөтгөр шулам гэдэг ийм л байдаг. Өөртөө итгэсэн бүхнийг тэр ашиглаад, үнсэнд хаясан шалз шиг хаядаг билээ.
Спауныг гүн Колиостро гэгч сайн зам руу дөтлөн оруулж, тамын чөтгөр Алиалагчтай тулалдуулж, ялуулдаг билээ. Спаун Жейсоны зүрхэн дэх бөмбөгийг аюулгүй болгож, Жейсон шоронд орсноор бүх юм хэв журмандаа орно.

Spy Game (2001)

Үйл явдал 1991 онд өрнөнө. ТТГ-ын нууц агент Том Бишоп (Брэд Питт) Хятадын шоронгоос агент Элизабет Хадлиг аврах гэж яваад баригдана. Энэ үеэр АНУ Хятадтай худалдааны хэлэлцээр хийж байх бөгөөд, АНУ-ын тагнуулч баригдсан нь энэ хэлэлцээрт овоо төвөг учруулах нь тодорхой.
Бишопийн тагнуулын "багш" гэж хэлж болохоор Натан Муир (Роберт Редфорд) АНУ-д офистоо дарга нарын байцаалтанд өртөнө. Тэрбээр Бишоптой анх яаж танилцсан, ямар ямар ажиллагаа хийлгэж байсныгаа өгүүлнэ...
Тэд анх 70-аад онд танилцсан бөгөөд, Бишоп мундаг снайперчин байж. Натан түүгээр Лаосын нэгэн генералыг хөнөөлгөдөг. Дараа нь түүнийг тагнуулын албанд авахын тулд Баруун Германд бичиг цаасны ажил хийлгэж "ихэд залхаажээ". Тэгээд л Бишопт тагнуулын ажлыг сургаж өгнө дөө.
Нэгэн удаа Зүүн Германы тагнуулыг Баруун Герман луу хил давуулах нууц ажиллагааг түүгээр хийлгэнэ. Гэтэл цагаа тулахад, Бишоп Шмидтийг (Зүүн Германы тагнуулч) улаан зам дээр хаяад зугатах болдог. Ингэж хүнийг ашиглаад зольж болдгийг Бишоп үнэндээ ойлгохгүй. Гэвч тагнуулын ажил гэдэг ийм л байдаг аж. Бас нэгэн удаа Ливаны Бейрутад террористуудын толгойлогч шейх Саламех буюу одоогийн Бен Ладенархуу нөхрийг устгах болдгийн. Бишоп тэнд очоод байж байхдаа анх Хадлитай танилцдаг. Тэр хоёрын харьцаанаас болж ажил цалгардаж болзошгүйг Натан мэдээд, тэднийг салгахыг ихэд чармайдаг. Гэвч хайр сэтгэлийг яалтай ч билээ.
Бишоп Саламехийн хувийн эмч Ахмедтай холбоо тогтоож, түүний эцэг эхийг Саламех алсныг хэлэх бөгөөд, Ахмедаар Саламехэд үхлийн тариа тариулж хөнөөлгөхөөр болно. Гэтэл ажиллагаа явуулах өдөр Бишоп Хадлитайгаа уулзаад, цагаасаа хоцрох болно. Үүнд бухимдсан Натан өөрийн аргаар үзэхээр шийднэ. Тэрбээр Саламехийн эсрэг бүлэглэлийн амиа золиослогчдыг ачааны машин дүүрэн тэсрэх бодисоор байрлаж буй зочид буудал руу нь дайрахыг санал болгоно. Бишоп амжиж Ахмед эмчийг Саламехийн буудалд хүргэх боловч, бүх юм оройтсон байлаа. Амиа золиослогч буудлыг дэлбэлж, хөөрхий Ахмед салхинд хийсч, бас нэгэн гэмгүй хүн амь үрэгдэв ээ хөөрхий.
Энэ цагаас хойш Натан Бишоп нар ахиж уулзаагүйм гэдэг. Харин Натан Бишопийг Хятадын ЗГ цаазлах гэж буйг дуулаад, өөртөө байсан бүхий л мөнгийг шавхан (282 мянган $), дарга нараасаа нууцаар ажиллагаа зохион байгуулж, Бишоп, Хадли нарыг авардгийн. Дарга нар бол тэднийг зольж, гүрийхээр шийдсэн байсан. Улс төрийн тоглоомын өмнө ганц хоёр хүний амь юу ч биш байдаг аж.

Ай, тагнуулчдын тоглоом оо гэж. Том Бишоп, Жейсон Борн гээд үе үеийн шилдэг "гүйцэтгэгчидээс" илүү, цаана нь хамаг төлөвлөгөөг боловсруулж суудаг Натан нарын тагнуулчид мөн агуу яа .

Water Horse, The: Legend of the Deep

Эртний Шотландад далайн морийн тухай нэгэн домог байдаг. Тэрхүү далайн морь нь жилээр биш хоногоор өсөх бөгөөд, аварга том болоод насан эцэслэхдээ өндгөө гаргаад үхдэг юм байна. Түүнд хүйс гэж байдаггүй.
Киноны үйл явдал Дэлхийн II дайны үе, Шотланд нутагт өрнөнө. Аавыгаа дайнд алдсан хүү Ангус ээж, эгч нарын хамт амьдарна. Тэрбээр аавыгаа одоо ч ирнэ гэдэгт итгэсээр байдаг. Нэгэн удаа Ангус далайн эргээс нэгэн сонин өндөг олно. Тэр өндөг нь далайн морины өндөг байлаа. Өндөгнөөс жигтэйхэн хөөрхөн амьтан гарах бөгөөд, сэлүүрийн байдлыг нь үзвэл, Мозазавр гээд нэг амьтан байдаг, тэрэнэрхүү. Ангус хүү тэр амьтныг Крузо гэж нэрлэх бөгөөд гэрийнхнээсээ нууна.
Энэ үед Ангусын тосгонд английн цэргийн хэд хэдэн анги нэгтгэлүүд ирнэ. Тэд ахмад Томас Гамильтоноор удирдуулсан бөгөөд, Лох Несс нуурыг чиглэн явж байгаа германы шумбагч онгоцуудыг устгахаар ирсэн ажээ. Тэд Ангусын тосгонд буудаллана. Мөн Ангусын ээжид туслахаар Льюис Мүвбрей гээд нэг учир битүүлэг залуу ирдэг. Тэр Ангусын Крузог нууж байсан өрөөнд орно. Ангус Крузог усанд дуртайг нь мэдээд, хогийн саванд ус дүүргэж амьдруулж байсан билээ. Тэгсэн нөгөө Льюис Крузогийн хувинтай усыг асгаад хаячихдгийм. Крузо Ангусын гэрт яваад орчихсон байлаа.
Крузо айхтар томорсон тул Ангус түүнийг ванны өрөөндөө нууж байгаад эгч болон Льюист баригдана. Хаа очиж Льюис сайн хүн байв. Тэр гурав Крузог нуусаар. Нэгэн удаа Томас Ангусын ээжийг оройн зоогонд урьдгийн. Тэгсэн тэднийг зоог барьж байхад Крузог цэргийн тогоочийн нохой Черчилль (яагаад ч ерөнхий сайдынхаа нэрээр нохойгоо нэрлэчихдэг юм) хөөгөөд хамаг юм түйвээнэ. Крузо гадагшаа гараад усан оргилуур дотор байсан элдэв загасыг идээд улам томроно. Арай гэж түүнийг ачааны машины тэвшин дээр ачиж нууранд тавьдаг.
Хэсэг хугацааны дараа Ангус хүү нууранд очиход Крузо айхтар томорсон байлаа. Ангус хүү Крузог унаад нуураар аялаад л. Гэтэл зарим нэг хүмүүс түүнийг хараад, алдарт Лох Нессийн амьтаны дуулиан сонин хэвлэлээр гарах нь тэр ээ.
За тэгээд Крузог английн цэргүүд германы шумбагч онгоцтой андуурч галлаад, хөөрхийг алах дөхнө. Крузо арай гэж далай руу гарч амь аврагддаг билээ.
Киноны төгсгөлд Ангус бүр өвгөн болчихсон, нөгөө түүхээ залууст ярьж суудгийн. Энэ үед нэгэн хүү өндөг олчихсон сууж байснаар кино төгсдөг. Өндөг гарсаан гэдэг чинь, Крузо насан эцэслэсээн гэсэн үг.

Ямар ч далд утга санаа агуулаагүй, хүүхдийн хөөрхөн кино байналээ . Англичууд ч бас киног хийж чадах юм аа. Тэр Крузо жаахан байхдаа хичнээн хөөрхөн гээч .

Миний амьтад 4

За, миний амьтны түүх 2000 оны шинэ жил дээр очиж байна... Миний бичлэгийг анхааралтай уншсан бол манайх 3 бажитай болсныг та бүхэн санаж байгаа байх... 2000 оны өвөл манайх шинэ ногоон бажи (манайд ирсэн 5 дахь бажи) авсан... Бусдаасаа их жижиг биетэй байсан юм даг. Даанч сар бололгүй нас барсан. Ужиг өвчтэй байсан байх.
Та бүхэн намайг баахан нас барсан амьтан яриад байхаар ёстой амьтан тэжээж чаддаггүй гар байна гэж бодож байна уу. Тийм биш шүү. Угаасаа цаанаасаа л но-той амьтад байсан хэрэг. Удахгүй уншаад ирэхээр миний үнэхээр сайн тэжээсэн амьтдын талаар унших болно оо .
Тэгээд 2001 он гарлаа. 4-р сард билүү дээ, шинэ ногоон бажи (манайд ирсэн 6 дахь бажи) авлаа. Тэр маань харин маш хөдөлгөөнтэй, сахилгагүй бажи байсан. Манай шар бажитай найзалдаг болсон хэ, хэ.

2001 оны 5-р сард манай гэрт амьтны шинэ төлөөлөгчид орж ирлээ. Тэр бол орог зусаг юм . Миний орог зусагнуудын түүх бол их ээдрээтэй л дээ, би өөрөө ч заримдаа толгой эргээд байдийн. 3 дахь цагаан зусаг, 4 дэх саарал нтр гээл. Бас тэгээд орог зусаг бол үсрээд л 2 насалдаг өрөвдөлтэй амьтан билээл.

Ямар ч байсан манай зусагнууд зулзага гаргажийсэн. Орог зусаг яг гахай шиг хэвтээд олон зулзаганууд хөхүүлж байдаг юм. Анх төрөхдөө бараг л эрхий хурууны хумсны толион чинээ жижигхэн улаан амьтан байдаг. Ямар ч үсгүй мөртлөө сахал нь ургацан байдаг нь их хөөрхөн. Ер нь тэгээд 21 хоноод нүдээ нээж, сэргэлэн хөөрхөн болдог.

Дээрх зурган дээр ээж аавтайгаа байгаа зулзаганууд. Нэг хэсэг 14 зусагтай болсон байсан тул дэлгүүрт өгөхөөс өөр аргагүй болсон.

Ер нь зусаг тэжээгчдэдээ хандаж хэлэх хэдэн зөвлөгөө байна.

1. Хэрвээ 2 буюу түүнээс дээш зусаг тэжээх гэж байгаа бол нэг хүйсийнхийг аваарай. Эсрэг хүйсний зусагууд замбараагүй зулзагалдаг юм шүү. Яагаад гэвэл тэд байгалийн инстинктээ бүрэн алдчихсан болохоор тэр. Манай зусаг эхлээд 6 бадриун зулзага гаргасан. Дараагийн 5 зулзага арай сул биетэй байсан бол сүүлийн төрөлтөөр бараг амьгүй шахуу зулзага гаргаж байсан юм.
2. Зусаганд зориулалтын будаанаас гадна байцаа, лууван, түүхий мах зэргийг өгч болно. Бас шүдийг нь хэт ургуулахгүйн тулд мэрэх ааруул, тахианы яс зэргийг байнга өгч байх хэрэгтэй.
3. Хумс нь ургах магадлалтай тул гүйдэг хүрдэн дээр гүйлгэх хэрэгтэй.

Би өөрөө энэ жилээс зусаг тэжээхээ больсон. Бас л төвөгтэй амьтан шүү. Шөнийн амьдралтай болохоор шөнөжин түжигнэж, өдөржин унтана. Өөрөөр хэлбэл өдөр бараг харах үзэх юм байхгүй гэсэн үг. Үүрэндээ ороод унтчихаж байгаа юм чинь.

Миний амьтад 3

За, тэгээд 1999 онд ирсэн шар ногоон бажи маань намар нь нас барсаан. Янз бүрийн өвчтэй байсийм билээ. Ямар ч байсан хошуу толгойг нь тойроод ургачихдаг мөөгөнцөр гэдэг өвчин тусч байсан бөгөөд ах бид нар тетрациклиний тос түрхэж бүрэн эмчилж байсан л даа. Ингээд гурван бажитай боллоо.
Бас манай фишерийн тотинууд торондоо үүрлээд бүр өндөг гаргадаг байсан шүү. Даанч өндөгнөөс нь ганц ч дэгдээхэй гараагүй. Өөрснөө дардаггүй юм уу, эсвэл угаасаа хоосон өндөг гаргадаг юм уу бүү мэд. Тотины өндөг бол вьетнам цагаан самар шиг хэмжээтэй өндөг байдаг.
Ингээд 2000 он гарлаа. Энэ хугацаанд хоёр ч удаа болжморын дэгдээхэй олж авчирж байсан санагдана. Дандаа үүрэнээсээ унасан. Даанч нэг хоёр ч хонолгүй нас барж байсан. Эцэг эх нь л гэхээс би л лав тэжээж чадахгүй юм билээ.
Бас өрөвдөлт хувь заяатай хоёр тоть ирж байсан. Нэг нь манай хоёроос хавьгүй жижиг биетэй, тосонд уначихсан юм уу гэмээр туг тугаараа өд сөд нь наалдчихсан фишерийн тоть. Хөөрхий манайд нэг долоо л хоносон санагджийн. Тэгээд өөд болсон. Зарим хүмүүс амьтныг тэжээх гээд дэндүү тамлачихдаг нь сэтгэлийг их шимшрүүлж байсан.
Нөгөө нь фишерийн төрөл боловч, шар өнгөтэй, улбар хацартай тоть. Эзэн нь манай ахад бэлэглэсэн боловч, гэрийн нөхцөл байдлаас шалтгаалж буцааж өгсөн л дөө. Их хөөрхөн тоть байсан. Эзэн нь өвөл цонхоороо алдаад, үхсийм гэнэлээ.
Энэ хугацаанд бас загас тэжээсээр л байсныгаа дурдахгүй өнгөрч болохгүй.
Дээрх зурган дээр Шанго нэрт улаан хацарт тоть.

Миний амьтад 2

Зиак, тэгээд нөгөө бажинуудтай цагийг сайхан өнгөрөөдөг л байлаа. Эр нь цэнхэр, эм нь шар өнгөтэй байсан. Тэр 99 ондоо манай ах шар ногоон өнгийн нэг эм тоть авчирсан нь манай цэнхэртэй найзууд болсон байлаа.
Зурган дээр манай бажинууд. Бас овоо л дассан байсан.
99 оны зун загас тэжээхээр шийдэж, 4, 5 аквариум загастай болов. Трубочник гээд амьд хоол варений шилээр нь худалдаж авдаг, тэр үед одоогийн Нарантуул буюу том зах Дэнжийн 1000-д байсан шдээ, тэнчээ байсан Ногоон нуур гэдэг газраас дафни, циклоп гээд амьд хоол шүүж бидоноор авчирж тэжээдэг байсан.
Загас тэжээх гэдэг ч тийм амар даваа биш юм билээ. Дээд зэргийн нөхцөл бололцоо шаарддаг. Дор хаяж л 100 литрийн аквариумтай, байнгын агааржуулалт, фильтртэй байхгүй бол хэцүү хэцүү. Тэгээд нөгөө трубочникийг харж байхад нэг амьтан тэжээх гээд өөр амьтныг ингэж тамлах хэрэг байна уу гэж өөрийн эрхгүй бодогддогийн.
Бид анхнаасаа амьд зулзага гаргадаг загас авахгүй гэж бодож байгаад гуппи тэжээсэн нь алдаа болсон. Нөгөө гуппинууд чинь зулзагалаад, зулзага нь багтаж шингэхгүй, агаар нь хүрэлцэхгүй хамаг загас маань үхээд, хэцүү юм болсоон.
Тэр үед Гамбаа гэдэг нэртэй сайхан улаан меченосецтэй байлаа л даа. Тэр маань нэг өдөр аквариумнаасаа яг л пуужин шиг л үсэрч, зөндөө хол унасан. Арай гэж ус руу нь хийтэл маргааш нь нас барсан байсан даа. Гэх мэт өдөр бүр л нэг хоёр загас үхэж, сэтгэл санааны байдал хүнд байлаа.

Аан тийн, тэр жил бас нэг цагаан өнгөтэй бажи авч манайх 4 бажитай болсон байсан. Бас аквариумдаа гүлмэр, яст мэлхий (бяцхан тритон) тэжээж байсан.
Тэр жил бас нэг шинэ амьтан тэжээх болсон нь фишерийн тотьхон гэж нэрлэгддэг тотинууд юм. Хосоороо амьдардаг, нэг нь үхвэл нөгөө нь дагаад үхдэг гэж яригддаг тоть. Тэд бажинуудыг бодвол маш амьдын золбоотой хөөрхөн амьтад.

Миний амьтад 1

Надыг бага байхад манайх загас тэжээдэг байсийн. Нэг том 20-оод литрийн, хоёр жижиг 10 литрийн аквариум байсан санагдана. Меченос нь зулзагалаад л... Аав зардаг байсан байх аа...
Тэр цагаас хойш нээх амьтан тэжээхгүй явж байтал, манай ах нэг болжморын дэгдээхий олж ирдгийн. 1998 он. Үүрнээсээ уначихсан, нохой барьж идэх гэж байсан гэсэн. Тэгээд тэрийг тэжээгээд сайхан байсөөн.
За, энэ миний болжморын зураг байна.
Тэгсэн манайх болжмортой болсноос хойш 7 хонов уу үгүй юу, ээж маань хос тоть урд хөршөөс захиж авчруулсан. Тэр тотинууд бол монголоор долгист тотьхон гэдэг дээ, оросоор волнистые попугайчик, англиар budgerigar, budgie гэдэг хөөрхөн, урт сүүлтэй л болохоос болжмор шиг биетэй тотьнууд байгаам. Би бол баажий гээд яриад сурчихсан.

Манай болжмор ингээд л хоол горьдоод нисээд ирдэг. Эсвэл мөрөн дээр суучихна.
Энэ болжмор маань 1999 оны цагаан сараар гэнэт л нас барчихаж билээ. Би тэгэхэд өөрийн эрхгүй нулимс дуслуулж байсансан. Тэр цагаас хойш тотиндоо анхаарал тавьж эхэлсэн гэх үү дээ.

P.S. Энэ зураг миний 1998 онд 7-р ангид байсан зургууд байгаам.

We own the night

Роберт гээд нэг хар тамхи нтртэй холбоотой нөхөр байдгийн. Тэрний дүү, аав хоёр нь цагдаа гэж байгаа. Тийм болохоор Роберт тэднийг аймар нуудаг, бүр овгоо хүртэл эхийнхээ овгийг зүүж явдаг. Роберт Грин гэж. Нэгэн удаа Робертийн суужийсан бааранд дүү нь бөөн Swat энэ тэр дагуулж ирээд бүгдийг нь баривчлаал. Тэнд бас Робертийн босс Марат Бужаевийн үеэл дүү Вадим суужээдийн. Тэрийг нотлох баримтгүй болохоор барьж чадаагүй л дээ. Вадим тэгэхэд л Жозефийг (дүү) араандаа зуусан шиг байгаам.
Жо ах Робертийгоо баригдсаныг мэдээд сулла хэмээн тушаал буулгана. Роберт бөөн уур орж ирээд л, "чи очиж очиж миний бааранд баривчилгаа явуулаад байхдаа яадийн" гээд л, нөгөө хоёр чинь бүр барилцаж авдгийн. Орой нь Жо харьж явтал гэрийнх нь гадаа түүнийг толгойдоо шуудай угласан нөхөр ирээд буудчихдгийн. Аз болж сум хацраар нь ороод эрүүгээр нь гарсан байна гэсэн.
Роберт (хойшид Боб гэх) дүүгээ буудуулсныг сонсоод, бөөн уй гашууд автана. Ядаж байхад цагдаагийнхан, тэгээд бас аав Берт нь түүнийг дүүтэйгээ муудсаныг нь мэдээд жаахан хардангуй. Тэгээл Боб бааранд найз бүсгүй Амадатайгаа (Эва Мендес) гутарчихсан сууж байсан чинь Вадим туслахтайгаа ирвээ. "Надаа хамгийн сайн чанарын хар тамхи байна, чи зараад өг" гээл. Бас "Би өнөөдөр тэр цагдааг захиалсан юм. Удахгүй аавыг нь захиална аа" гэж ярьдаг.
Боб тэндээс гараад цагдаагийн газар очиж аав нтртээ ярьсан чинь түүнд сонсох төхөөрөмж өгөөд, Вадимийг баривчлах санал тавина. Аав нь эрс эсэргүүцээд л. Боб болохоор ааваасаа нууцаар цагдаа нартай холбоо барьж, асаагууранд нуусан "цох"-той болж авна. Цагдаа нар түүнийг байнга дагах бөгөөд, хэрэг бишдвэл "ӨД" гэж хэлээрэй гэдэг. Боб Вадимийн итгэлийг нь олоол, үйлдвэр дээр нь оччихсон байжийсэн чинь Вадим гэнэт сэжиглэгдгийн. Тэгээл нэгжиж бариад, асаагуурыг нь эвдэх гээд нүдэж байхад Боб "Таны өгсөн хар тамхийг татсан чинь бие ӨД шиг хөнгөн болчихлоо" гэж хэлэв. Тэгэнгүүт бөөн цагдаа нар пижигнэж орж ирээд, алахыг нь алаад, баривчлахыг нь баривчлаад, Боб баатар болов оо.
Дүү Жо нь ч эмнэлгээс гарлаа. Боб бол маш нууц байдалд байгаа. Нэгэн удаа Вадим оргосон мэдээ ирэв. Боб ч түргэн авч, аавтайгаа өөр газар нуугдахаар явж байтал дээрэмчид дайрч, аавыг нь алдаг. Үүнээс болоод Боб цагдаагийн шалгалт өгч, цагдаа болов оо. Тэд Марат, Вадим нар наймаагаа хийх газар нь отоо хийж, Боб Вадимийг хөөж очоод шотганаар ганц панхийлгэснээр кино төгсдөг билээ.

Давгүй кино байналээ. Нэг л зүйл үнэмшимгүй санагдсан нь Бобийг цагдаа дүү, аавтай гэдгийг мафийнхан эцсийн мөч хүртэл мэдээгүй явдал. Бүр Боб Маратийнд очиж хоол иддэг, ижий ахай байсан гэж байгаа.

Awake

Дэлхийд жилд 700 хүний нэг нь хагалгаанд орж байхдаа наркозноос сэрдэг гэж ирээд л кино сүртэй эхлэнэ. Зүрхний өвчтэй, зүрх шилжүүлэн суулгах мэс засал хийлгэхээс өөр аргагүй байдалд орсон, баян залуу Клей Бересфорд найз охин Сэмтэйгээ ээжээсээ зөрөн байж гэрлэнэ. Ээж нь Сэмд дургүй. Сэм ээжийнх нь хувийн туслах байсан бөгөөд, Сэмийг хүүтэй нь гэрлэсэнд ээж нь намайг хуурлаа гэж их л дургүйлхэнэ. Уул нь их баян сурвалжит охинтой гэрлүүлэх бодолтой байсан байх л даа.
Хагалгаанд орох боллоо. Түүний хагалгааг сайн найз, эмч Жек нь хийх болно. Үүн дээр ч ээжтэйгээ маргасан. Учир нь ээж нь хагалгааг өөрийн найз нэрт мэс засалчаар хийлгэхийг хүсч байсан юм.
Хагалгаа эхлэхэд Клейгийн "сүнс" биенээсээ салаад явж эхлэнэ. Тэрбээр Сэм, Жек нар нийлж, өөрийг нь алах гэж байгааг хараад шоконд орно. Жек түүнд шилжүүлэн суулгах гэж байсан зүрхэнд үхлийн тариа тарина. Тэгээд энэ бүх үйлдлээ ээжийнх нь итгэлт эмч Ларри луу бухах гэж төлөвлөсөн байв. Учир нь Ларри хагалгаандаа сайн орж өгөхгүй, гадуур архи мархи уугаад яваад байсийн. Гэхдээ Ларри цагаа тулахаар тийм ч тэнэг хүн биш байж.
Жек нар эмгэнэлтэй царайлан ээжид нь үхлийн мэдээг дуулгаад буцахад, Ларри "Хэрвээ зүрх олж дөнгөвөл, тэр хүртэл Клейг аппаратаар амьд байлгаад байж дөнгөнө" гэж хэлдгийм. Ээж нь үүнийг сонсоод хүүдээ зүрхээ өгөхөөр шийдэж, нойрсуулах эмийг бөөн бөөн дозоор ууж орхино. Ээжийнх нь танил эмч шуугиж орж ирээд л, ээжийн зүрхийг Клейд яаралтайгаар шилжүүлэн суулгана. Энэ үед Ларри Жек тэргүүтэнгүүдийг баривчлуулж байдаг.
Ээжийнх нь "сүнс" Клейгийнхтэй уулзаад л Сэм бүсгүйн хамаг боольхойг илчилнэ. Сэм Жектэй хамт нэг эмнэлэгт ажиллаж байснаа нууж байжээ. Миний бодлоор Сэм Клейтэй хурдхан шиг л гэрлэлтээ батлуулж аваад, өв хөрөнгөнд нь эзэн суух гэсэн хэрэг. Ээжийг нь яаж аргалах гэсийм гэхээр, хүүгээ үхсэнийг дуулаад, гарцаагүй амиа хорлоно гэж бодож, зориуд нойрны эмтэй цүнхээ орхиж явсан. Гэвч түүний төлөвлөгөө бүтсэнгүй.
Клей аврагдсаан. Гэхдээ түүнийг сэрэхэд ээж нь нас барчихсан, эхнэр нь болон сайн найз нь түүнийг алах гэж байгаад шоронд орчихсон байх нь ямар санагдах бол? Арай ахиад зүрх нь хаагдчих юм биш байгаа?

Яахав, давгүй л кино юм. Даанч дэндүү богинохон (80 мин). Бага ч бюжетээр бүтэж ($ 9M), бага ч ашиг олж ($ 15M).

Enchanted

Андалазиа хэмээх хүүхэлдэйн кинолог ертөнцөд киноны үйл явдал эхлэнэ. Үзэсгэлэнт гүнж Жизеллег хаан ширээг нь булаах нь гэж айсан хорон санаат хатан Нарисса хөлгүй ангал руу нисгэж орхитол, тэрбээр орчин цагийн манай ертөнцийн Манхеттенд хүрээд ирэв ээ, хөөрхий. Түүний уулзсан анхны хүн нь бяцхан охинтой ганц бие өмгөөлөгч Роберт Филипп байлаа.
Жизеллегийн араас хунтайж Эдвард, бяцхан туслах-жирх Пипийн хамт Нью-Йоркод ирнэ. Гүнжийг хөнөөлгөхөөр Нариссагийн туслах Натаниэл ч ирнэ. Гэхдээ Натаниэл Эдвардын найз бололтой. Тэд гүнжийг хайгаал, Натаниэлийн төлөвлөгөө ч бүтэлгүйтээл. Пип жирх үнэхээр хөөрхөн.
Эдвард Жизеллег хайж байх хугацаанд Жизелле Роберттой дотносч, хайр сэтгэлтэй болох боловч, Роберт хэдийнэ өөр бүсгүйтэй сүй тавьсан байсан юм. Эдвард Жизеллег олж, хамтдаа Андалазиа луугаа явах гэтэл Жизелле нэг л сэтгэл гундуу.
Тэд эртний сонгодог бүжиг бүжихээр, бүжгийн талбайд очиход, Роберт сүйт бүсгүйтэйгээ тэнд бүжиглэж байв. Улмаар Роберт, Жизелле хоёр бүжээд л, Эдвард, Робертийн сүйт бүсгүй хоёр сонин сонин болоол. Яг энэ үед Нарисса өөрийн биеээр Нью Йоркт хүрэлцэн ирдгийн. Тэгээд горьдлого тасарсан Жизеллед хортой алим өгч алаад. Үлгэр ёсоор бол сэтгэлт хархүү нь үнсэж амь оруулах ёстой ш дээ. Эдвард үнссэн чинь амилдаггүй наасан. Харин Роберт үнсэхэд Жизелле амилдаг. Нарисса дэлбэртлээ уурлаж, луу болон хувираад, Робертийг савартаа тас атган, цамхгийн орой дээр гарна. Харин Нарисса-луу биеэ даахгүй цамхгийн оройгоос унаад (энэ жаахан миа шийдэл шүү), бүх юм сайхан болно.
Тэгээд Эдвард, Жизелле хоёр суугаад, харин үлгэрийн ертөнцөд Эдвард, Нэнси (Робертийн сүйт) хоёр гэрлэж байгаа юм.

Нэг их ид шид гарсан кино байх болов уу гэсэн чинь, харин ч тиймгүй, бараг л энгийн нэг хайр сэтгэлийн кино байв л. DVD-г нь авах эсэхээ шийдээгүй л байна :-D .

Stardust

Английн нэгэн тосгоны хажуудахь хананы цаана, Стормхолд гээч үлгэрийн вант улс оршдог бөгөөд, ханыг нэгэн уймраа өвгөн манаж байдаг. Тристан хүүгийн аав залуудаа өвгөнийг аргалаад хананы цаана гарч чадсан бөгөөд, нэгэн шидтэн шулманд баригдсан үзэсгэлэнт бүсгүйтэй учралын заяагаар нийлсэн юм гэдэг. Тэр хоёрын дундаас гарсан Тристан хүү Англид, аавынхаа гар дээр өссөөн.
Тристан хүү өсөж том болоод үеийн нөхдийн адилаар үзэсгэлэнт бүсгүйчүүдийн араас хөөцөлдөж эхлэнэ. Гэхдээ түүний оролдлого төдийлөн бүтэхгүй. Кинонд 19-р зууны үе гараад байгаам л даа. Яагаад ч юм Тристан дурлалт Виктория бүсгүйд төрсөн өдрөөр нь "од" авчирч өгнө гэж ам гараад (энэ хэсгийг нь би тухтай үзээгүй болохоор сайн ойлгосонгүй л дээ, sorry), харвасан одны зүг явж өгвөө.
Газар унасан од нь Ивен бүсгүй болж хувирсан байв. Тристан түүнийг олж очоод, Викториядаа аваачиж өгнө хэмээн чаргууцалдана. Бүсгүй нэгэн гоё рубин шигтгээтэй зүүлт зүүж ирсэн бөгөөд, түүний араас Стормхолдын хаан ширээнд санаархагч Септимус, мөнхийн залуу насыг хүсдэг эгч дүү гурван шулам зэрэг нөхдүүд хөөцөлдөнө.
Эгч дүү гурван шулам хэн нь Ивений хойноос очих вэ хэмээн шодоход Ламиагийн (Мишель Пфайфер) аз таарч, үлдсэн жаахан "зүрхийг" (би зүрх л гэж боджийнэ, учир нь тэд залуужихын тулд одын зүрхийг иддэг гэсэн) идэн, дүрээ хувилгана. Энэ үед 50 хүрэх гэж байгаа Мишель Пфайфер гоо сайхан биеэ гайхуулж, би ч бас хөгшрөх болоогүй шүү гэдгээ харуулаад амжина.
Тристан Ивен хоёр Ламиа, Септимус нараас зугатаж явахдаа бие биедээ хайр сэтгэлтэй болно. Тэд агаараар нисч явдаг хөлөг онгоцны ахмад Шекспирт баригдана. Шекспир Тристанд зэвсгийн урлаг нтр зааж, жинхэнэ эр хүн болгоно.
Тристан Ламиа нарын эгч дүү гурван шулмаас Ивенийг аварч чадах бөгөөд, Септимус үхсэн тул Тристан Стормхолдийн хаан болсноор кино төгсөнө.

Кинонд хөнгөн хошин хэсгүүд их бий. Стормхолдийн залгамжлагч нарын үхсэн сүнснүүд байнга, сүхдүүлсэн нь сүхтэйгээ, хоолойгоо хэрчүүлсэн нь цустайгаа, энд тэнд хамт явжээдэг нь их инээдтэй. Бас сүүлд үхсэн Септимусийг Ламиа удирдаж байлдуулдаг нь их гоё, сонин шийдэл. Харин таалагдаагүй гурван зүйл байна:

1. Ахмад Шекспир эмэгтэй хүний хувцас өмсчөөд баахан бүжиглэж т1-тдэг нь Роберт де Нирог буруу зөнөө юу даа гэж бодоход хүргэлээ.
2. Бас нэг ядаргаатай шулмас Ламиатай тулалдаж, толгойгүй болчихоод, толгойгүй баахан гүйдэг нь жаахан тиймэрхүү.
3. Тристан анх сэлмээ ч зөв барьж чаддаггүй нэгэн байсан бол, Шекспирээр жаахан сэлэм заалгаад л, Беовульфаас ч лаг тулалддаг болчихсон нь арай л үнэмшилгүй.

Гэхдээ ерөнхийдөө гоё кино байлаа, Golden Compass-аас дутахгүй гэж боджийнэ, DVD-г нь авна гэж боджийнэ.

There Will be Blood

1898 онд киноны гол баатар Дениэл (Жүжигчин нь ч өөрөө Дэниел) алтны нинжа хийж байх юм. Ухсан нүх рүүгээ унаад хөлөө хугалчихсан тэр мөлхсөөр очиж алтаа зардаг. Ингэж хөлжөөд газрын тос руу орж байгаамаа. Тэгсэн нэг учир битүүлэг хүү тэрэн дээр ирдэг юм аа. Пол гэж. Тэрбээр Бостонд асар их нефть байгаа, надаа 500 ногоон өгвөл хаа байгааг нь зааж өгнө гээл хэлэлцээр хийж гарна.
Удалгүй Дениэлийн нүсэр десант Бостонд ирнэ. Тэгсэн Полтой усны дусал шиг адилхан Элай гэж хүү байдгийм байна, тэр айлд. Элай нэг л сүм ярьсан хүн. "Муу чөтгөр чи наад хүнээсээ гар" нтр гэсээр байгаад хүмүүсийг эдгээчих болтой юм.
Дэниел хаа явсан газраа бяцхан хүүгээ дагуулж явна. Хүүдээ багаас нь амьдралыг таниулж, сурган хүмүүжүүлж байгаа нь сайшаалтай. Нэгэн удаа өрөмдлөг хийж байсан нефтийн цооногоос нефть асар их хүчээр олгойдон гарч, бага Дэниел цохигдон унана. Дэниеэл шоконд орж, чих нь дүлийрчээ.
Энэ үеэс эхлэн сениор Дениелийн ад чөтгөрийн ааш илэрч эхлэнэ. Элай туж ирж ядаргаатаад байхаар нь жоохон хүүхэд зодоод, хамар аманд нь нефть түрхээд баллаж тавина. "Чи тийм сүрхий хүн анагаадаг юм бол миний хүүг чих оруулаад аль" гээл. Тэгсэн хаанаас ч юм Дэниелийн дүү гээд царай муутай нөхөр гараад ирдгийн. Дэниэл нэгэнт дүлий болсон хүүгээ нээх анхаарахаа болиол, нөгөө "дүүтэйгээ" л ажил хэргээ хөөцөлдөөд яваад байна. Жуниор Дэниелийг бүр галт тэрэгний буудал дээр орхичихсон.
Тэгсэн нөгөө "дүүгийн" тар нь танигдаж эхлэнэ. Дэниэл "Бид бага байхдаа нөгөө хэн баяны байшинг тойрч гүйгээл тоглодог байж билээ" гээл ярихад "дүү" юу ч санахгүй. Тэгээд бас жинхэнэ дүү нь тохьтой томоотой хүн байдаг бол, энэ "дүү" зугаа цэнгэлд дуртай гэж жигтэйхэн. Иймд Дэниеэл "дүүгээ" алаад булаад хаячихна. Улмаар гэмших сэтгэлдээ автаад Элайгийн сүмд очвоос Элай түүний нүглийг наманчилж байна хэмээн зодож гарна. Дэниэл тэндээс гараад хүүгээ олж авна, хэлгүй хүний дохио заалгана.
Гэнэт кино маань 10-20 жилийн дараахь үйл явдалд шилжиж орхив. Дэниэл маань архичин болчихсон, байшингийнхаа боулингийн талбайд тасарчихсан хэвтэж байна. Холоо яваад ирсэн Элай бас л мөнгө нэхээд ирэхээр нь Дэниэл нөгөөдөхийг чинь хөөгөөд, боулингийн гахайгаар цохиод алчихаж байгаа юм. Дэниэл бол ёстой л манай нэгэн сэхээтний хэлдгээр "Атгаг жижиг өвгөний бачимдал харгислал" болсон хүн. Ингэж л кино төгссөн дөө.

Нэлээн галзуу солиотой кино санагдлаа. Ахиж үзэхгүй ээ.

National Treasure: Book of Secrets

Эрдэнэсийн хайгуулч Бен Гейтсийн маань өвөг эцэг Томас Гейтс нэгэн дэвтрийн нууцыг тайлж байгаад, ерөнхийлөгч Линкольний алуурчидад алуулдаг юм байна л даа. Тэр дэвтрийг нь алуурчид өгдгийн. Энэ явдлаас болоод одоо үед Томас Гейтс жаахан муу нэртэй юм байна.
Өвөг эцгийнхээ нэрийг цэвэрлэх үүрэг Гейтст оногдоно. Гейтс гёрлфренд Абигейлтэйгээ муудалцчихсан, тусдаа амьдарч байгаа байх юм. Гэхдээ эрдэнэсийн эрэлд мордохынхоо өмнө тэр хоёр ахин нэгдэнэ. Гейтс өвөг эцэг Томасынхаа үлдээсэн хэдэн тасархай хуудсаас нууцын дараачийн түлхүүр Францад байдаг Эрх чөлөөний хөшөөн дээр байгааг мэднэ. Гейтс найз Рилигийн хамтаар Францад очиж, удирдлагатай бяцхан коптер дээгүүр нь нисгэж байгаад, францаар бичсэн үгсийг олж авна.
Эрх чөлөөний бэлгэдэл болсон дурсгалын ширээ нэг нь Лондонд, нөгөө нь Цагаан Ордонд байдаг. Тэд Лондонд очиж, ширээний оньсон түлхүүрийг оролдож байгаад, ацтекийн үйсэн дээрх бичгийн нэгэн хэсгийн олж авна. Эрдэнэсийн хойноос ганцхан Гейтс ангуучилсангүй. Митч Уилкинсон гэгч бас хөөцөлдөнө. Тэд Лондонд нэлээн хөөцөлдөж, Гейтс үйсний зургийг ЗЦГ-ын камерт үлдээгээд, ус руу шидчихнэ. Митч үйсний хойноос явж, Гейтсийг мөрөөр нь орхино.
Үйсэн дээрх бичгийг уншихын тулд Гейтс ээжийнхээ тусламжийг авна. Ээжийг нь Эмили гэдэг, ааваас нь эрт дээр үед салсан бололтой. Дараа нь дараагийн үйсийг Цагаан Ордоноос ёстой л эр хүний 13 мэхийг хэрэглэж байж олж авна.
За тэгээд л, Ерөнхийлөгчийн нууцын ном байдаг, тэр номыг хаана байдгийг ганцхан Ерөнхийлөгч л мэддэг, Гейтс Ерөнхийлөгчтэй уулзаж номыг уншаал, тэгээд нөгөө 4 ерөнхийлөгчийн сийлбэртэй Рашмор ууланд очоол, дороос нь алтан хотыг олоол, Митчийг киног дуусгахын тулд уран нарийн аргаар алаал, Томас Гейтс цагаадаал, ингээл кино дуусах шив дээ.

Миний хувьд 1-р ангиа гүйцэхгүй юм шиг санагдлаа. :-)

Jumper

Хүссэн газраа хормын төдийд очих чадвартай Дэвид (Хэйден Кристенсен) гээд нэг залуу байдаг. Анх энэ чадвараа яаж нээсийн гэхээр Дэвид ахлах сургуульд байхдаа Рэчел гээд найз охиндоо цасан бөмбөлөг бэлэглэдгийн. Тэгсэн Марк гэж нэг т1 залуу (сүүлд их гай болсон) нөгөөдөхийг нь булааж аваад хөлдсөн нуур луу шидчихгүй юу. Дэвид бөмбөлөгөө авах гэж яваад доошоо цөмөрч ороод, нэг мэдсэн л номын санд бөөн ус болчихсон хэвтэж байсан. Ингэж л анх "шилжих" чадвараа нээсийм. Тэрбээр энэ чадвараа ашиглан банк дээрэмддэг. Гэтэл дээрмийн хэргийг мөрдөж байсан Роланд (Семьюэл Жексон) банкны цоож цуурга бүв бүтэн байхыг үзэж, банкийг шилжигч л дээрэмдэж дээ гэсэн дүгнэлтэд хүрнэ. Тэгээд хүчирхэг баг бүрдүүлж аваад Дэвидийг олохоор зүтгэж эхлэнэ дээ.
8 жил өнгөрчээ. Дэвид маань энэ үед Фижид серфинг хийгээд л, Сфинксийн толгой дээр өдрийн хоолоо идэж, Лондоны Биг Бений цамхаг дээр шүхэр бариад зогсч байхым. Энэ үед Роланд түүнийг яаж ч юм олоод нэг төмөр саваагаар жанчиж өгнө дөө. Тэр саваа нь дотроосоо төмөр утас гаргадаг, ёстой л нэг шилжигчийн эрлэг. Роланд "ганцхан бурхан л ийм чадвартай байх ёстой" гэж үглэж явдаг нэгэн. Нэг ази шилжигчийг алчихсан. Дэвид арай гэж түүнээс зугатаж, гэртээ очно.
8 жилийн дараа найз охин Рэчел нь бармен хийдэг болсон байхым. Рэчел дэлхийгээр аялахыг мөрөөддөг. Дэвид түүнийг Ром руу авч явна. Гэхдээ "шилжиж" очоогүй. Дэвид найз охинтойгоо Колизей нтр үзэж яваад анх Гриффин гээч шилжигчтэй танилцдаг. Тэр нь бүр шилжигчийн ангуучидтай "тоглоод" мэргэшчихсэн нэгэн байв.
Тэгээл Дэвид найз охиноо аюулгүй газар орхичихоод л, Гриффинтэй хамт тэмцэж эхэлнэ дээ. Тэгсэн Роланд Дэвидийн гэрт очоод аавыг нь алчихсан байдгийн. Нөгөө муу Марк л гэрийг нь зааж өгсөн байлээ л дээ. Тэгээд Дэвид Роландаас өшөөгөө авахаар бүр шулуудаад л. Тэгсэн юунаас ч болсон юм мэдэхгүй (бичлэг муу байсан тул сайн ойлгоогүй) Дэвид Гриффин хоёр газар тэнгэр нийлтэл зодолдож гарав аа, хөөрхий. Эцэст нь Дэвид Гриффинийг өндөр хүчдэлийн шонд хүлээд орхив. Бас Роландыг барьж аваад Үхлийн хөндий юм уу, Австралийн Ayers Rock юм уу, нэг их хадан хавцалтай газар амьтай голтой орхиод явчихдаг.
Дэвидийн ээж гээд нэг учир битүүлэг эмэгтэй яваадайдийн. Дэвидийг 5 настайд нь орхисон гэсэн. Дэвид уулзахаар очтол "Чи 5 настайгаасаа шилжээд эхлэхээр чинь алах уу, хаях уу гэдгээ шийдэх хэрэгтэй болсийн" гэдэг байгаа. Ингэж л кино төгссөн дөө.

Ер нь бол давгүй кино санагдсан л даа. Даанч бичлэгийн чанар муу байсан болохоор сэтгэлд тийм ч хүрсэнгүй. Хэрэв сайн бичлэгтэй юм уу, "Тэнгис"-т үзсэн бол гоё санагдах байсан байх. Бас хэтэрхий богинохон юм аа. DVD-ийг нь авах эсэхээ шийдээгүй л байна .

Sweeney Todd

Кино эхлэнгүүт л Свини Тодд туслах Энтонитойгоо "Лондонгоос өөр муу муухай цугласан газар үгүй" хэмээн дуулсаар Лондон руу ирж явах юм. Свини Тодд бол урьд нь Бенжамин Баркер нэртэй, үзэсгэлэнт эхнэр, хөөрхөн охинтой нэгэн байв. Шүүгч Тёрпин түүний эхнэрт санаархаж, Баркерийг хөдөө нутагт цөлөөд, эхнэрийг нь авах гэтэл, эхнэр нь амиа хорлосон ч гэх шиг. Охин Жоаннаг нь Тёрпин хорионд байлгадаг юм байна.
Свини өшөөгөө авна, өшөөгөө авна хэмээн үглэсээр хатагтай Ловетийн боовны газар очтол, Ловет хүн идэхийн аргагүй муухай боов хийгээд л, бүр боовноос нь жоом гарч гүйж байх юм. Свини өөрийн хуучин байшингаас мөнгөн тонгорогний комоо аваад, Ловетийн мухлагийн дээд давхарт үсчний газар нээнэ.
Нэгэн удаа тэд Тёрпиний туслах Бидл Бэмфордийг тагнахаар зээлийн газар очтол Адольфо Пирелли гээч итали луйварчин (Борат) хүний үсийг хормын төдийд ургуулах шидэт шингэн гээчийг зарж байв. Пирелли Тоби гэдэг бяцхан туслагчтай. Свини Пиреллигийн булхайг илчлээд л, хоюулаа сахал хүсаж дуэльдээд л, Свини мөрийний 5 фунтээ авч байх юм.
Яг энэ мөчид Энтони шүүгч Тёрпиний гадаа явжийгаад, Жоаннаг олж хараад, "Би чамд сэтгэл алдрав, чамайг хулгайлна аа" нтр гээд дуулжийсэн чинь Тёрпин түүнийг гэртээ хуурч оруулаад, үхтэл нь зодоод хөөгөөд явуулна.
Пирелли олны өмнө эвгүй байдалд орсондоо бантаад, Свиниг шантаажилхаар үсчний газарт нь очно. Свини ч тэрийг данхаар хэд байлгаж аваад, хоолойг нь огтлоод хаячихна. Үнэн профи. Тоби хүү тэдний туслах боллоо.
Хатагтай Ловетт энэ бүхнийг хараад боовны газраа аврах маш мэргэн санаа олов!!!! Тэр нь хүний махтай боов!!!!! Свини үсчний сандалдаа араа мараа угсраад, алсан хүнээ шууд доошоо гал зуух руу илгээдэг механизм бүтээнэ. Тэгээд л нөгөө Свини чинь хүний хоолойг огтлоод л, дуулаад л, огтлоод л. Гурваад хүний хоолойг угсруулж огтлохоор нь өөрийн эрхгүй би хоолойгоо барьж үзлээ.
Ловеттийн боовны газар ч мандан бадраад л. Тоби хүү Ловеттийг ээж шигээ санаж, таны төлөө юу ч хийхэд бэлэн нтр гэж андгай тавина. Нэг галзуу тэнэмэл эмэгтэй л энэ газар муу ёрын газар нтр гэж явах боловч, хэн ч түүнийг тоохгүй.
Нэгэн удаа өст хүн өлийн даваан дээр гэгчээр Тёрпин Свинигийнд ирэв. Свини ч энэ боломжийг алдалгүй, түүнийг алаад л хаячихлаа. Ядаж байхад нөгөө тэнэмэл эмэгтэйг бас л алаад шидчихсэн. Бүр охиноо хүртэл алах дөхсөн.
Доошоо буугаад би Тёрпинийг өөрийн биеэр эвдэж янзална гэтэл нөгөө тэнэмэл эмэгтэй Свинигийн эхнэр байх нь тэр. Ловетт эхнэрийг нь үхсэн гэж худал хэлсэн юмсанж. Свини Ловетт хоёр хослон дуулж, танц эргэж байгаад л Свини Ловеттийг зуух руу шидчихэв ээ хөөрхий. Тоби хүү хаанаас ч юм гарч ирээд л, Свинигийн хоолойг огтолсноор, кино төгсөнө.

Бровдейн хит мюзиклээр хийсэн энэ кино нээх их таалагдсангүй. Дэндүү их цус, аллага гарах юм. Бас тэр каннибал хүмүүс үнэхээр аймшигтай.